འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཆབ་མདོ་གྲོང་ཁྱེར་གྱི་ས་ཁམས་གནས་ཡུལ་ལེགས་པ་དང་།རང་བྱུང་ཐོན་ཁུངས་ཕུན་སུམ་ཚོགས་པ།སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་གཏིང་ཟབ་པ་བཅས་ཀྱི་དབང་གིས་ཕྱོགས་བཞི་མཚམས་བརྒྱད་ཀྱི་ཡུལ་སྐོར་བའི་ཡིད་དབང་བཀུག་ཡོད་ལ། དེར“བོད་ཤར་རྒྱུད་ཀྱི་མུ་ཏིག”ཅེས་པའི་མཚན་སྙན་ཐོབ་ཡོད། ཁྱད་ལྡན་རིག་གནས་ཡུལ་སྐོར་གྲོང་རྡལ་ཆུང་ངུ་འཛུགས་སྐྲུན་དང་རྨང་གཞིའི་སྒྲིག་བཀོད་འཛུགས་སྐྲུན་འཐུས་ཚང་དུ་གཏོང་བ།བོད་སྐྱོར་ཞིང་ཆེན་དང་གྲོང་ཁྱེར་དུ་དྲིལ་སྒྲོག་འོས་སྦྱོར་སྤེལ་བ།མི་སྣ་གྲགས་ཅན་གདན་དྲངས་ནས་ཁྱབ་སྤེལ་བྱེད་པ་སོགས་ཇུས་འགོད་ཞིབ་ཚགས་བྱས་པའི་ཡུལ་སྐོར་རྣམ་གྲངས་གསར་པ་རབ་དང་རིམ་པ་ལ་བརྟེན་ནས། ཆབ་མདོ་གྲོང་ཁྱེར་གྱིས་ཡུལ་སྐོར་བ་སྣེ་ལེན་བྱེད་ནུས་མངོན་གསལ་དོད་པོས་ཆེ་རུ་ཕྱིན་ནས་ལྟ་སྐོར་དང་རྒྱལ་མཚམས་སྒྲོལ་བའི་ཡུལ་སྐོར་ནས་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་ཉམས་ལེན་ཡུལ་སྐོར་གྱི་ཕྱོགས་སུ་འགྱུར་བ་མངོན་འགྱུར་བྱུང་ཡོད།

རྨང་གཞི་སྲ་བརྟན་དུ་བཏང་ནས་ཆབ་མདོའི་ཡུལ་སྐོར་སྒྲིག་བཀོད་ཀྱི་རྣམ་པ་གསར་རྐྱང་དུ་བཏང་བ།

ཆབ་མདོ་གྲོང་ཁྱེར་གྱིས་མ་དངུལ་སྒོར་དུང་ཕྱུར11.06གྲབས་གསོག་བྱས་ཏེ་ཁ་རུབ་ཆུས་ཀརྨ་ཤང་དང་། ལྷོ་རོང་རྫོང་ཤོ་པ་མདོ་གྲོང་རྡལ།

(པར་ངོས་གསུམ་པར་གཟིགས) (པར་ངོས་དང་པོར་མཐུད) དཔལ་འབར་རྫོང་དཔལ་འབར་གྲོང་རྡལ་དང་སྤྱི་གླིང་ཤང་བཅས་ཁྱད་ལྡན་རིག་གནས་ཡུལ་སྐོར་གྲོང་རྡལ་བཞི་འཛུགས་སྐྲུན་ལས་དོན་ལ་གོ་རིམ་ལྡན་པའི་སྒོ་ནས་སྐུལ་འདེད་བཏང་བ་དང་། དེ་ནི་ཆབ་མདོའི་ཡུལ་སྐོར་གྱི་ཁྱད་ཆོས་གསར་པ་ཞིག་རེད། གྲོང་རྡལ་ཆུང་ངུ་དེ་དག་ལ་ཕུན་སུམ་ཚོགས་པའི་ས་ཁོངས་རིག་གནས་ཀྱི་གཞི་རྒྱུ་འདྲེས་ཡོད་པ་མ་ཟད།ད་དུང་ས་གནས་དེ་གའི་རང་བྱུང་མཛེས་ལྗོངས་དང་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་ལོ་རྒྱུས་གང་ལེགས་མངོན་ཡོད། ཡུལ་སྐོར་རྣམ་གྲངས་གསར་པ་བཏོན་པ་དང་ཡུལ་སྐོར་གྱི་རྨང་གཞིའི་སྒྲིག་བཀོད་འཐུས་ཚང་དུ་ཕྱིན་པ་དང་ཆབས་ཅིག ཆབ་མདོ་གྲོང་ཁྱེར་གྱི་ཡུལ་སྐོར་བ་སྣེ་ལེན་བྱེད་ནུས་ཀྱང་མངོན་གསལ་དོད་པོས་མཐོ་རུ་ཕྱིན་ཡོད།

རང་ལུས་ཀྱི་ཡུལ་སྐོར་ཐོན་ཁུངས་ཇེ་ལེགས་སུ་གཏོང་བ་ཕུད། ཆབ་མདོ་གྲོང་ཁྱེར་ད་དུང་ཞིང་ཆེན་དང་གྲོང་ཁྱེར་ཁག་གི་ཡུལ་སྐོར་དངོས་མང་སྟོན་ཚོགས་ལ་ཞུགས་པ་དང་། ཡུལ་སྐོར་བ་ཡོང་ཁུངས་གཙོ་བོའི་ས་ཁུལ་དུ་བསྐྱོད་ནས་དྲིལ་བསྒྲགས་འོས་སྦྱོར་བྱེད་པ་སོགས་ཀྱི་བྱ་ཐབས་བརྒྱུད། སྔ་རྗེས་སུ་ཁྲུང་ཆིང་གྲོང་ཁྱེར་སོགས་ཞིང་ཆེན་དང་གྲོང་ཁྱེར་གྱིས་སྒྲིག་འཛུགས་བྱས་པའི་དངོས་མང་སྟོན་ཚོགས7ནང་ཞུགས་པ་དང་། ཞ་མོན་དང་ཐེན་ཅིན་སོགས་གྲོང་ཁྱེར10རུ་རིག་གནས་ཡུལ་སྐོར་འོས་སྦྱོར་བྱས་ནས་རང་ལུས་ཀྱི་སྐད་གྲགས་ཆོད་ཚད་དང་ཤུགས་རྐྱེན་རྒྱུན་ཆད་མེད་པར་ཆེ་རུ་བཏང་བ། བོད་སྐྱོར་ཞིང་ཆེན་དང་གྲོང་ཁྱེར་གྱི་དངོས་མང་སྟོན་ཚོགས་ཐོག་ཆབ་མདོ་གྲོང་ཁྱེར་གྱི་འགྲེམས་སྟེགས་སུ་རྟག་ཏུ་མི་མང་པོ་ཡོད་པས་ཡུལ་སྐོར་བ་དང་ལས་རིགས་ནང་ཁུལ་གྱི་མི་སྣའི་དོ་སྣང་ཆེན་པོ་བྱེད་ཀྱིན་ཡོད།

ཆབ་མདོ་གྲོང་ཁྱེར་གྱིས་ད་དུང་སྨྱན་སྦྱོར་མཉམ་འདྲེས་བྱ་འགུལ་ཆེ་གྲས་དང་དྲ་རྒྱའི་སྟེགས་བུ་བརྒྱུད་ནས་དྲིལ་བསྒྲགས་དང་འོས་སྦྱོར་བྱ་རྒྱུར་མཐོང་ཆེན་བྱས་པ། “རི་ཆུ་བརྒལ་ནས་སྐལ་བཟང་མེ་ཏོག་བཞད་པར་བལྟ། སྤྱི་སྤྱོད་རླངས་འཁོར་བསྡད་ནས་ཀྲུང་གོ·བོད་ལྗོངས་ལ་ལྟ་རྒྱུའི”སྨྱན་སྦྱོར་མཉམ་འདྲེས་བྱ་འགུལ་ཆེ་གྲས་བརྒྱུད། དྲ་ཐོག་ཏུ་ཆབ་མདོའི་སྤུས་ལེགས་ཡུལ་སྐོར་གྱི་ལམ་ཐིག་གསར་པ་ངོ་སྤྲོད་འོས་སྦྱོར་གང་ལེགས་བྱས་པ། “ངོ་མཚར་ཆེ་བའི་ཁམས་པའི་རིག་གནས་ཡུལ་སྐོར་ཟླ་བ”“གཙང་གསུམ་ཇ་རྟ་རིག་གནས་སྒྱུ་རྩལ་དུས་ཆེན”སོགས་ཀྱི་བྱ་འགུལ་གཉེར་བ་དང་ཆབ་མདོ་གྲོང་ཁྱེར་གྱིས“གསར་བརྗེའི་ཆབ་མདོ། བོད་ཤར་མུ་ཏིག”ཅེས་པའི་ཡུལ་སྐོར་ཟོང་རྟགས་བདེ་བླག་ངང་བཏོད་པ། བྱ་འགུལ་དེ་དག་ལས་ཡུལ་སྐོར་བ་རྣམས་ཀྱིས་ཆབ་མདོའི་ཡུལ་སྐོར་ཐོན་ཁུངས་ལ་རྒྱུས་ལོན་སྔར་ལས་གཏིང་ཟབ་བྱུང་བ་མ་ཟད། ད་དུང་ཡུལ་སྐོར་བ་ཆབ་མདོ་རུ་ཡུལ་སྐོར་བྱེད་པར་ཡོང་བའི་སྤྲོ་སེམས་ཀྱང་ཆེ་རུ་བཏང་ཡོད། དེ་དང་ཆབས་ཅིག ཆབ་མདོ་གྲོང་ཁྱེར་གྱིས་ད་དུང་གསར་འགྱུར་སྨྱན་སྦྱོར་དང་། དྲ་རྒྱའི་ལས་སྟེགས། བོད་ལྗོངས་མཁའ་འགྲུལ་ཀུང་སི་སོགས་དང་མཉམ་ལས་བྱས་པ་བརྒྱུད། ཕྱོགས་ཡོངས་ཀྱི་དྲིལ་བསྒྲགས་འོས་སྦྱོར་བྱ་འགུལ་སྤེལ་བ་རེད། བོད་སྐྱོར་གྱི་ལེགས་ཆ་འདོན་སྤེལ་གང་ལེགས་བྱས་ཏེ་ཁྲུང་ཆིང་དང་ཐེན་ཅིན་སོགས་ཀྱི་ཞབས་ཞུའི་ས་ཚིགས་དང་གཏིང་ལམ་འབབ་ཚིགས་སོགས་སུLEDའཆར་ཤེལ་དང་བརྡ་ཁྱབ་བྱང་ལེབ་ཆེ་གྲས་བཀལ་འགེལ་བྱས་ནས་ཆབ་མདོའི་སྤུས་ལེགས་མཛེས་ལྗོངས་ཁུལ་དང་ཆབ་མདོའི་རིག་གནས་ཡུལ་སྐོར་ཐོན་ཁུངས་དྲིལ་བསྒྲགས་ཤུགས་ཆེན་བྱས། མཉམ་ལས་འདི་དག་གིས་ཆབ་མདོའི་སྐད་གྲགས་ཆོད་ཚད་མཐོ་རུ་བཏང་བ་མ་ཟད། ད་དུང་ཡུལ་སྐོར་བར་ཆབ་མདོར་རྒྱུས་ལོན་གྱི་ཐབས་ལམ་དང་བྱེད་ཐབས་སྔར་བས་མང་བོ་མཁོ་འདོན་བྱས་ཡོད།