འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་9པའི་ཚེས་23ཉིན་གྱི་ཕྱི་དྲོ། འཐུས་མི་ཡོངས་ཀྱིས་ཐུན་མོང་ཐོག་འབད་བརྩོན་བྱས་པ་བརྒྱུད། ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་འཐུས་མི་ཚོགས་ཆེན་ཐེངས་གསུམ་པའི་གྲོས་རིམ་ཁག་ཐུགས་གྲ་ལེགས་འགྲིག་བྱུང་ནས་རྒྱལ་ཁའི་ངང་གྲོལ་བ་རེད།
ད་ཐེངས་ཀྱི་ཚོགས་ཆེན་ཐོག་གྲོང་ཨུད་ཚན་ཁག་གི་སྐབས་བརྗེའི་ལས་འགན་བདེ་བླག་ངང་ལེགས་གྲུབ་བྱུང་ནས། གྲོང་ཨུད་དང་གྲོང་ཁྱེར་སྒྲིག་ཨུད་ཀྱི་སྐབས་གསར་པའི་འགོ་ཁྲིད་ཚན་ཁག་བདམས་ཐོན་བྱུང་བ་དང་། 《ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་ཨུ་ཡོན་ལྷན་ཁང་སྐབས་གཉིས་པའི་སྙན་སྒྲོན་སྐོར་གྱི་ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་འཐུས་མི་ཚོགས་ཆེན་ཐེངས་གསུམ་པའི་གྲོས་ཆོད》དང་། 《ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་གཉིས་པའི་ལས་དོན་སྙན་སྒྲོན་སྐོར་གྱི་ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་འཐུས་མི་ཚོགས་ཆེན་ཐེངས་གསུམ་པའི་གྲོས་ཆོད》ལ་གྲོས་འཆམ་བྱུང་བ་རེད། ཆབ་མདོའི་འབྱུང་འགྱུར་ལོ་ལྔའི་རིང་གི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་ཐབས་ལམ་གསལ་པོ་ཞིག་བཏོད་པ་རེད།
ཚོགས་ཆེན་ཐོག་ལག་པ་བཀྱགས་ནས་བརྡས་ཐག་གཅོད་པའི་ཐབས་ལ་བརྟེན་ནས《ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་ཨུ་ཡོན་ལྷན་ཁང་སྐབས་གཉིས་པའི་སྙན་སྒྲོན་སྐོར་གྱི་ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་འཐུས་མི་ཚོགས་ཆེན་ཐེངས་གསུམ་པའི་གྲོས་ཆོད》དང་། 《ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་གཉིས་པའི་ལས་དོན་སྙན་སྒྲོན་སྐོར་གྱི་ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་འཐུས་མི་ཚོགས་ཆེན་ཐེངས་གསུམ་པའི་གྲོས་ཆོད》ལ་གྲོས་འཆམ་བྱུང་བ་རེད།
ཚོགས་ཆེན་རྔམ་བརྗིད་ལྡན་པའི《རྒྱལ་སྤྱིའི་གླུ་དབྱངས》ཁྲོད་མཇུག་གྲོལ་བ་རེད།
སྟེང་ཆེན་རྫོང་ཨུད་ཀྱི་ཧྲུའུ་ཅི་ཀྲུང་ཕུང་ཁྲུན་གྱིས“སྟེང་ཆེན་རྫོང་གིས་ད་ཐེངས་ཀྱི་ཏང་གི་འཐུས་མི་ཚོགས་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས། ‘དོན་ཆེན་བཞིར’དམ་པོར་དམིགས་པ་དང་། ‘འཛུགས་གཏོད་བཞིར’ཤུགས་རྒྱག་པ། བསམ་བློའི་བྱ་སྤྱོད་གཅིག་གྱུར་བྱེད་པ། དབྱར་རྩ་དགུན་འབུའི་ཕ་སའི་ཁྱད་ལྡན་སྤུས་རྟགས་སྟོབས་ཆེར་གཏོང་བ། རལ་པའི་ཕ་སའི་རིག་གནས་ཡུལ་སྐོར་གྱི་མིང་བྱང་བཟོ་བ་བཅས་བྱས་ནས་གྲོང་ཁྱེར་ཡོངས་ཀྱི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཆེད་སྟེང་ཆེན་གྱི་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན”ཞེས་བཤད།
འཇོ་མདའ་རྫོང་ཨུད་ཀྱི་ཧྲུའུ་ཅི་གཞོན་པ་ཧོ་ཀོང་ཀྲོའུ་ཡིས“ཕྱིར་ལོག་རྗེས། ངས་ཧྲུའུ་ཅི་ཀྲང་ལི་འཇོ་མདའི་འཐུས་མི་ཚོགས་པའི་གྲོས་སྡུར་ནང་ཞུགས་སྐབས་བཏོན་པའི‘མདུན་དུ་སྐྱོད་པ་དང་མིག་དཔེ་སྟོན་དགོས་པའི’བླང་བྱ་གཞིར་བཟུང་། ཏང་གི་འཐུས་མི་ཚོགས་ཆེན་གྱི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་ཡག་པོ་བཅས་བྱེད་པའི་སྣེ་ཁྲིད་དེ། ལས་ཀའི་འགན་འཁྲིར་གཞི་ཚུགས་པ་དང་། གསར་བརྗེའི་ཐོན་ཁུངས་ཡག་པོ་སྤྱོད་པ། གཞི་རིམ་གྱི་ཏང་འཛུགས་སྐྱོང་ལ་དམ་འཛིན་ཏན་ཏིག་བྱེད་པ། སྤྱོད་ཚུལ་རྒྱུན་མཐུད་ལེགས་སུ་གཏོང་བ་བཅས་བྱས་ཏེ། ཚོགས་ཆེན་གྱི་བཀོད་སྒྲིག་དེ་དངོས་སྒྲུབ་བྱ་སྤྱོད་དུ་འགྱུར་བ་བྱས་ནས་ཀྲུང་གོའི་ལུགས་ཀྱི་ཆབ་མདོའི་ལེའུ་གསར་པ་རྩོམ་ཆེད་སྟོབས་ཤུགས་ལེགས་སྐྱེས་འབུལ་རྒྱུ་ཡིན”ཞེས་བཤད།
ལྷོ་རོང་རྫོང་ཨུད་ཀྱི་རྒྱུན་ཨུ་རྒྱུན་ལས་རྫོང་དཔོན་གཞོན་པ་ལི་ཐའོ“གོམ་སྟབས་རྗེས་མར། ངས་ཚོགས་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས། བསམ་བློ་དང་བྱ་སྤྱོད་གཅིག་གྱུར་དང་། དངོས་སྒྲུབ་འགན་འཁྲི་མཐའ་འཁྱོངས། དཔལ་འབྱོར་ཐོན་ལས་དང་། སྐྱེ་ཁམས་སྲུང་སྐྱོང་། གྲོང་གསེབ་དར་རྒྱས་བཅས་ལ་དམ་འཛིན་ཏན་ཏིག་བྱས་ཏེ། རྫོང་ཁོངས་འཕེལ་རྒྱས་ལ་སྐུལ་འདེད་བཏང་ནས‘ལྔ་ལྡན་ཆབ་མདོའི’འཛུགས་སྐྲུན་ལ་གཟི་བརྗིད་བསྣན་རྒྱུ་ཡིན”ཞེས་བཤད།
གྲོང་ཨུད་དྲ་འཕྲིན་གཞུང་ལས་ཁང་གི་ཀྲུའུ་རེན་གཞོན་པ་ལེའོ་ཏུང་ཕུང་གིས“དྲ་འཕྲིན་ལས་བྱེད་པ་ཞིག་ཡིན་པའི་ངོས་ནས། ངས‘ལྔ་ལྡན་ཆབ་མདོ’གཏོད་པའི་ནང་ཧུར་ཐག་ཞུགས་ཏེ། དྲ་སྦྲེལ་བྱ་གཞག་སྤུས་ཚད་མཐོ་བའི་འཕེལ་རྒྱས་ལ་དམིགས་ནས་ད་ཐེངས་ཀྱི་ཚོགས་ཆེན་གྱི་དགོངས་དོན་སློབ་སྦྱོང་ཡག་པོ་དང་། ལག་བསྟར་ཡག་པོ། དྲིལ་བསྒྲགས་ཡག་པོ་བཅས་བྱ་རྒྱུ་ཡིན། སླད་ཕྱིན་གཟེར་འདེབས་ཀྱི་སྙིང་སྟོབས་ལ་བརྟེན་ནས་དྲ་ཐོག་ཞབས་ཞུའི་འགན་སྲུང་ལས་དོན་ཁག་ཡག་པོ་བསྒྲུབ་རྒྱུ་ཡིན”ཞེས་བཤད།
ཁ་རུབ་ཆུས་ཨུད་ཀྱི་རྒྱུན་ཨུ་མར་ཐང་ཁྲོམ་གཞུང་ཏང་གི་ལས་དོན་ཨུ་ལྷན་གྱི་ཧྲུའུ་ཅི་ཝང་ལའེ་ཡིས“ཏང་གི་འཐུས་མི་ཚོགས་ཆེན་གྱི་ཚོགས་ར་ནས་ཐོན་སྐབས་རང་ཉིད་ལ་ཡིད་ཆེས་ཆེན་པོ་ཡོད་ལ་འགན་འཁྲི་ཡང་ཡོད་པ་གསལ་པོ་ཤེས་ཀྱི་ཡོད། གཞི་རིམ་ཏང་གི་འཐུས་མི་ཞིག་ཡིན་པའི་ངོས་ནས་ངས་ཚོགས་འདུའི་དགོངས་དོན་སྒྲོག་འགྲེལ་དང་དོན་འཁྱོལ་ཡག་པོ་བྱས་ཏེ། འཐབ་ས་དང་པོར་གཞི་ཚུགས་ནས་མང་ཚོགས་ལ་ཞབས་འདེགས་ཞུ་བ་དང་དངོས་སྒྲུབ་ཡར་བརྩོན་གྱིས་དམངས་འཚོའི་རྣམ་པ་གསར་པ་ཞིག་གཏོད་རྒྱུ་ཡིན”ཞེས་བཤད།
སྐབས་བརྗེ་བ་ནི་ལས་དོན་མཇུག་སྒྲིལ་བ་ཞིག་མིན་པར། ལས་སྒྲུབ་ལས་གཏོད་ཀྱི་འགོ་འཛུགས་ས་གསར་པ་ཞིག་ཡིན། ཚོགས་ཆེན་མཇུག་སྒྲིལ་བ་དེའི་ཐོག་ནས་ཆབ་མདོའི་འཕེལ་རྒྱས་ལ་འབད་འཐབ་ཀྱི་ལེའུ་གསར་པ་ཞིག་གཏོད་འགོ་ཚུགས་པ་མཚོན་ཡོད། གྲོང་ཁྱེར་ཡོངས་ཀྱི་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པས་གྲོང་ཨུད་སྐབས་གསར་པའི་མཐའ་འཁོར་དུ་མཐུན་སྒྲིལ་དམ་ཟབ་བྱས་ཏེ། ཚོགས་ཆེན་ཐོག་གཏན་འཁེལ་བྱས་པའི་དམིགས་ཚད་གཞི་རྩར་འཛིན་པ་དང་། གོམ་སྟབས་བརྟན་པོ་སྤོས་ནས་མདུན་བསྐྱོད་དང་འགག་སྒྲོལ་དཀའ་སེལ་བྱས་ཏེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་རྒྱུན་མཐུད་ངང་བརྟན་དུ་བཏང་ནས། སྤྱི་ཚོགས་རིང་ལུགས་དེང་རབས་ཅན་གྱི་ཆབ་མདོ་འཛུགས་སྐྲུན་གྱི་ལེའུ་གསར་པ་ནུས་ཤུགས་ཡོད་རྒུས་རྩོམ་རྒྱུ་རེད།