འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ9ཚེས23ཉིན་གྱི་ཕྱི་དྲོ། ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་གྱི་འཐུས་མི་ཚོགས་ཆེན་ཐེངས་གསུམ་པ་ཐུགས་གྲ་ལེགས་འགྲིག་ངང་མཇུག་བསྒྲིལ་རྗེས། གྲོང་ཨུད་ཀྱི་ཧྲུའུ་ཅི་ཀྲང་ལི་དང་བཅས་པས་ཚོགས་ཆེན་གྱི་གསར་འགྱུར་སྒྲོག་སྤེལ་ནང་ཞུགས་པའི་ལས་དོན་པར་འཚམས་འདྲི་གནང་བ་རེད།

ཀྲང་ལི་ཡིས་གསར་འགྱུར་ལས་དོན་པ་དང་བྱམས་བརྩེའི་གླེང་མོལ་བྱས་ཏེ། གྲོང་ཁྱེར་གྱི་ཏང་གི་འཐུས་མི་ཚོགས་ཆེན་ཐེངས་གསུམ་པའི་གསར་འགྱུར་སྒྲོག་སྤེལ་གནས་ཚུལ་ལ་མཁྱེན་རྟོགས་ཞིབ་ཕྲ་གནང་བའི་ཁར། ཚང་མས་དཀའ་སྤྱད་ཧུར་ཐག་བྱས་པར་ཐུགས་རྗེ་ཆེ་ཞུས་པ་རེད། ཁོང་གིས་རྒྱ་ཆེའི་གསར་འགྱུར་ལས་དོན་པས་སྨྱུ་གུ་དང་པར་ཆས་ལ་བརྟེན་ནས་ཏང་གི་འཐུས་མི་ཚོགས་ཆེན་གྱི་གསུང་སྐད་སྙན་མོ་བརྒྱུད་བསྒྲགས་དང་ཏང་གི་འཐུས་མིའི་ཉམས་འགྱུར་མངོན་པར་བྱས་པ་དང་། དབྱངས་རྟ་གཙོ་བོ་གྱེར་བ་དང་དྲང་ནུས་ཆེ་རུ་བསྐྱེད་དེ། ཡིད་ཆེས་བརྟན་གཏོང་དང་། མི་སེམས་དྲོ་བ། དམངས་སེམས་གཅིག་སྒྲིལ་གྱི་རྣམ་པ་ཟབ་མོ་ཞིག་བསྐྲུན་ཡོད་ཅེས་གསུངས།

ཀྲང་ལི་ཡིས་གྲོང་ཁྱེར་གྱི་ཏང་གི་འཐུས་མི་ཚོགས་ཆེན་ཐེངས་གསུམ་པ་དང་འཚོག་ཉེར་ཡོད་པའི་གྲོང་ཁྱེར“ཚོགས་འདུ་གཉིས”ནི་གྲོང་ཁྱེར་ཡོངས་ཀྱི་མི་དམངས་ཀྱི་ཆབ་སྲིད་དང་འཚོ་བའི་ཁྲོད་ཀྱི་དོན་ཆེན་ཞིག་ཡིན་པས། ཚོགས་འདུའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར། དོན་འཁྱོལ་བཅས་ཡག་པོ་བྱ་རྒྱུ་ནི་མིག་སྔར་དང་སླད་ཕྱིན་དུས་སྐབས་ཤིག་རིང་གི་ཆབ་སྲིད་ལས་འགན་གལ་ཆེན་ཞིག་རེད། གྲོང་ཁྱེར་ཡོངས་ཀྱི་རིམ་ཁག་གསར་འགྱུར་སྨྱན་སྦྱོར་གྱིས་ཡང་དག་པའི་ཆབ་སྲིད་ཀྱི་ཁ་ཕྱོགས་དང་། གླེང་ཕྱོགས་ཀྱི་ཁྲིད་ཕྱོགས། རིན་ཐང་གི་ལྟ་ཕྱོགས་བཅས་རྒྱུན་འཁྱོངས་བྱས་ཏེ། གོ་བདེ་ཞིང་ཉན་སྤྲོ་བའི་ལམ་ནས་ཚོགས་འདུའི་དགོངས་དོན་དོན་འཁྱོལ་ཞིབ་ཕྲ་དང་མི་སེམས་སུ་ཟུག་པར་སྐུལ་འདེད་བཏང་ནས་རྒྱ་ཆེའི་ལས་བྱེད་མང་ཚོགས་ཀྱིས་བློ་བརྟན་འགྱུར་མེད་ངང་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་ཁྲིད་སྟོན་བྱེད་དགོས་ཞེས་བསྟན།

ཀྲང་ལི་ཡིས་གསར་འགྱུར་གླེང་ཕྱོགས་ལས་དོན་ཡག་པོ་སྒྲུབ་པར་དོན་སྙིང་གལ་ཆེན་ལྡན་པ་དང་འགན་འཁྲི་གཟི་བརྗིད་ལྡན་པ་ཞིག་ཡིན་པས། སྐབས་གསར་པའི་གྲོང་ཨུད་ཀྱིས་ནུས་ཤུགས་ཡོད་རྒུས་གསར་འགྱུར་སྨྱན་སྦྱོར་གྱིས་ཁྲིམས་དང་སྒྲིག་སྲོལ་ལྟར་གསར་འགྱུར་ལས་དོན་སྒྲུབ་པར་རྒྱབ་སྐྱོར་བྱ་རྒྱུ་ཡིན། གྲོང་ཁྱེར་ཁོངས་གཏོགས་ཀྱི་གསར་འགྱུར་སྨྱན་སྦྱོར་གྱིས་ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཏང་གཤིས་བརྟན་དུ་གཏོང་བ། ཏང་གིས་སྨྱན་སྦྱོར་ལ་དོ་དམ་བྱ་རྒྱུ་རྒྱུན་འཁྱོངས་བཅས་བྱས་ནས་ཏང་དང་མི་དམངས་ཀྱི་མགྲིན་ཚབ་ནུས་པ་འདོན་སྤེལ་ཡག་པོ་བྱེད་དགོས། སྨྱན་སྦྱོར་མཉམ་འདྲེས་འཕེལ་རྒྱས་ལ་སྐུལ་འདེད་མགྱོགས་པོ་གཏོང་བ་དང་། གྲོང་ཨུད་ཀྱིས་བཏོན་པའི་འབད་འཐབ་དམིགས་ཚད་ཀྱི་མཐའ་འཁོར་དུ་ཇུས་འགོད་ཞིབ་ཚགས་དང་། གཞི་རྟེན་ཕུན་སུམ་ཚོགས་སུ་གཏོང་བ། བརྒྱུད་བསྒྲགས་བྱེད་སྟངས་གསར་གཏོད་བྱེད་པ་བཅས་བྱས་ནས་ཕྱོགས་མང་པོ་དང་། ཟུར་མི་འདྲ་བ། རིམ་པ་གཏིང་ཟབ་བཅས་ཀྱི་སྒོ་ནས་དྲིལ་བསྒྲགས་སྒྲོག་གཏོང་ལས་དོན་ཡག་པོ་བསྒྲུབ་སྟེ། མཐུན་སྒྲིལ་དང་། བརྟན་ལྷིང་། ངར་ཤུགས་བཅས་ཀྱི་རྣམ་པ་གཏོད་དགོས། འདུ་ཤེས་འཛིན་སྟངས་ཀྱི་ལས་ཀའི་འགན་འཁྲིའི་ལམ་ལུགས་དོན་འཁྱོལ་ནན་པོ་བྱེད་པ་དང་། ཆབ་སྲིད་ཀྱི་སྒྲིག་ཁྲིམས་དང་། དྲིལ་བསྒྲགས་ཀྱི་སྒྲིག་ཁྲིམས། ལས་ཀའི་སྒྲིག་ཁྲིམས་བཅས་ནན་པོ་སྲུང་ནས།“རིམ་པ་དམའ་བའི་དམར་པོ”དང“རིམ་པ་མཐོ་བའི་ནག་པོའི”ཉེན་ཁ་སྔོན་འགོག་གི་འགན་འཁྲི་བསྒྲུབ་རྒྱུར་དོ་སྣང་བྱེད་དགོས་ཞེས་ནན་བཤད་གནང་བ་རེད།