འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་9པའི་ཚེས་24ཉིན། ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་ཨུ་ཡོན་ལྷན་ཁང་སྐབས་གསུམ་པའི་ཚང་འཛོམས་གྲོས་ཚོགས་ཐེངས་དང་པོ་ཁ་རུབ་ལ་འཚོགས་ཤིང་། ཚང་འཛོམས་གྲོས་ཚོགས་སུ་ཞུགས་དགོས་པའི་ཨུ་ཡོན་41(བོད་སྐྱོར་ལས་བྱེད་པ་3ཚུད་པ)དང་རྗེས་སྣོན་ཨུ་ཡོན་7ཡོད་པ་དང་། དངོས་སུ་ཞུགས་པའི་ཨུ་ཡོན་41(བོད་སྐྱོར་ལས་བྱེད་པ་3ཚུད་པ)དང་རྗེས་སྣོན་ཨུ་ཡོན་7ཡོད་པ་དེ་དག་གཏན་འབེབས་བྱས་པའི་མི་གྲངས་དང་མཐུན་ཡོད་པ་རེད།

ཚང་འཛོམས་གྲོས་ཚོགས་ཐོག་ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་ཨུ་ཡོན་ལྷན་ཁང་སྐབས་གསུམ་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་དང་། ཧྲུའུ་ཅི། ཧྲུའུ་ཅི་གཞོན་པ་བཅས་བདམས་ཐོན་བྱུང་ཡོད། ཀྲང་ལི་གྲོང་ཨུད་ཀྱི་ཧྲུའུ་ཅིར་བདམས་ཐོན་བྱུང་བ་དང་། ལུའོ་ཆིང་ཝུའུ་དང་།ལི་གཡོད་ཧུང་གྲོང་ཨུད་ཀྱི་ཧྲུའུ་ཅི་གཞོན་པར་བདམས་ཐོན་བྱུང་བ། ཀྲང་ལི་དང་། ལའོ་ཆིན་འུའུ། ལིས་ཡུའེ་ཧུང་། ཐེན་ཧའོ། ལིས་ཧྲུའུ་གོ ཧོང་གོ་ཅན། ཝང་ཧྲི་ཡུས། ཅཱ་ཤིན་ཡུས། ཤའེ་ཝུན་ཀོང་། ཝེ་ཝན་ནན། ཅིན་རིན་ཧུའེ། ཁྲེན་ཀང་། ཝུའུ་ཅན། འཕྲིན་ལས་དར་རྒྱས། པད་མ་བཀྲ་ཤིས་བཅས་ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་ཨུ་ཡོན་ལྷན་ཁང་སྐབས་གསུམ་པའི་ཨུ་ཡོན་ལ་བདམས་པ་རེད།

ཚང་འཛོམས་གྲོས་ཚོགས་ཐོག་ཀྲུང་གོ་གུང་ཁྲན་ཏང་ཆབ་མདོ་གྲོང་ཁྱེར་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་གསུམ་པའི་ཚང་འཛོམས་གྲོས་ཚོགས་ཐེངས་དང་པོའི་འགོ་ཁྲིད་ཚན་ཁག་གི་འདེམས་བསྐོའི་མཇུག་འབྲས་སྐོར་གྱི་སྙན་སྒྲོན་ལ་གྲོས་འཆམ་བྱུང་བ་རེད།

ཀྲང་ལི་ཡིས་སྐབས་གསར་པའི་གྲོང་ཨུད་ཀྱིས་ཚབ་ཞུས་ནས་ཚང་མར་ཡིད་ཆེས་དང་རྒྱབ་སྐྱོར་གནང་བར་སྙིང་དབུས་ནས་ཐུགས་རྗེ་ཆེ་ཞུས་པ་རེད། ཁོང་གིས་གྲོང་ཁྱེར་གྱི་ཏང་གི་འཐུས་མི་ཚོགས་ཆེན་ཐེངས་གསུམ་པས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་དར་ཆ་རླབས་པོ་ཆེ་མཐོན་པོར་བསྒྲེངས་ནས། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། “དོན་ཆེན་བཞི”ལ་དམ་པོར་དམིགས་པ་དང་། “འཛུགས་གཏོད་བཞི”ལ་སེམས་ཤུགས་གཅིག་ཏུ་སྒྲིལ་བ། “ལོ་ལྔ་ཚན་བཅོ་ལྔ་པའི”ཕྱོགས་མཚམས་གསར་པ་དང་གནས་ཚད་གསར་པར་གཞི་ཚུགས་ཏེ། “གཏོད་དགོས་པ་གསུམ”གྱི་སྤྱིའི་ངེས་གནས་གཞི་རྩར་འཛིན་པ་དང་། “མདུན་གྲལ་དུ་སླེབས་པ་བཞི”ལ་སྐུལ་འདེད་གཏོང་བ། “ལྔ་ལྡན་ཆབ་མདོའི”དམིགས་ཚད་ལས་འགན་གཏོད་པ་དེའི་ཐོག་ནས་གྲོང་ཁྱེར་ཡོངས་ཀྱི་བྱ་གཞག་ཁག་འཕེལ་རྒྱས་གཏོང་རྒྱུ་དེ་ལོ་རྒྱུས་ཀྱི་འགོ་འཛུགས་ས་གསར་པ་ཞིག་ཏུ་སླེབས་པ་མཚོན་ཡོད། གྲོང་ཨུད་སྐབས་གསུམ་པས“རྒྱུག་མཐུད་དབྱུག་པ”དངོས་སུ་བླངས་ནས། འགན་འཁྲི་ཤེས་པ་དང་། འགན་འཁྲི་འཁུར་བ། འགན་འཁྲི་སྒྲུབ་པ་བཅས་བྱས་ཏེ་དམ་འཛིན་དངོས་སྒྲུབ་དང་སྔོན་ཐོན་ཡར་བརྩོན་གྱི་གྲུབ་འབྲས་དངོས་ཀྱི་ཐོག་ནས་རང་སྐྱོང་ལྗོངས་ཏང་ཨུད་དང་གྲོང་ཁྱེར་ཡོངས་ཀྱི་མི་དམངས་ལ་བློ་ཡིད་ཚིམ་པའི་རྒྱུགས་ལན་ཞིག་འབུལ་དགོས་ཞེས་གསུངས་པ་རེད།

ཀྲང་ལི་ཡིས། དམ་འཛིན་དངོས་སྒྲུབ་དང་སྔོན་ཐོན་བརྩོན་ལེན་བྱེད་པར་ངེས་པར་དུ་ཏང་ལ་ལྷག་བསམ་རྣམ་དག་བྱེད་དགོས། “གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང་། “འདུ་ཤེས་བཞི”ཟབ་ཏུ་གཏོང་བ། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”ཐུབ་པ་བཅས་བྱེད་དགོས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་བརྟེན་ནས་བློ་སྒྲིལ་སེམས་སྐྱེད་བྱེད་པ་དང་། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ཆ་ཚང་དང་། ཡང་དག ཕྱོགས་ཡོངས་བཅས་ཀྱི་སྒོ་ནས་ལག་བསྟར་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བཀའ་རྒྱ་ཡོད་པ་དང་། ཏང་ཀྲུང་དབྱང་གིས་བཀོད་སྒྲིག་བྱས་པ་ཚང་མ་ཆབ་མདོ་ཡིས་དོན་འཁྱོལ་ལ་དམ་འཛིན་དང་། བྱ་སྤྱོད་སྤེལ་བ། ཕན་འབྲས་ཐོན་པ་བཅས་མཐའ་གཅིག་ཏུ་བྱེད་དགོས། དམ་འཛིན་དངོས་སྒྲུབ་དང་སྔོན་ཐོན་བརྩོན་ལེན་བྱེད་པར་ངེས་པར་དུ་འགན་འཁྲི་འཁུར་ཕོད་པ་དང་བྱས་རྗེས་འཇོག་དགོས། འགན་འཁྲི་འཁུར་རྒྱུ་དེ་ཆབ་སྲིད་ཀྱི་འགན་འཁྲིར་བརྩིས་ནས། སྒོ་དབྱེའི་འདུ་ཤེས་འཛུགས་པ་དང་། རང་ལམ་རང་བཀག་བྱེད་པར་ངོ་རྒོལ་བྱེད་པ། འཐབ་རྩོད་གལ་ཆེན་གྱི་མདུན་ས་དང་། སྒྱུར་བཅོས་དང་འཕེལ་རྒྱས་ཀྱི་འཐབ་ས་གཙོ་བོ། དཀའ་ཉེན་བྲེལ་ལྕིའི་འཐབ་ས་དང་པོར་རང་འགུལ་ངང་ཞུགས་པ་བཅས་བྱས་ཏེ། “རྙོག་དྲར་མི་འཛེམས་པ”དང“དཀའ་ངལ་ལ་མི་སྐྲག་པ”བྱེད་པ་དང་། ཏང་དང་མི་དམངས་ལ་ཕན་པའི་བྱ་བ་སྒྲུབ་སྐབས་དཀའ་གཡོལ་མི་བྱེད་པ་དང་། འགན་འཁྲི་མི་གཡོལ་བར་རིམ་པ་གཅིག་གིས་རིམ་པ་གཅིག་ལ་མིག་དཔེ་སྟོན་པ་དང་རིམ་པ་གཅིག་གིས་རིམ་པ་གཅིག་ལ་སྣེ་ཁྲིད་བྱེད་དགོས། དམ་འཛིན་དངོས་སྒྲུབ་དང་སྔོན་ཐོན་བརྩོན་ལེན་བྱེད་པར་ངེས་པར་དུ་རང་རྟོགས་ངང་མི་དམངས་ལ་བདེ་སྐྱིད་བསྐྲུན་དགོས། དམངས་ལ་བདེ་སྐྱིད་སྐྲུན་རྒྱུ་དེ་སྲིད་དོན་ལས་རྗེས་ཆེ་ཤོས་སུ་བརྩི་བ་དང་། དམངས་འཚོ་ལེགས་གཏོང་དང་མི་སེམས་གཅིག་སྒྲིལ་བྱ་རྒྱུ་དེ་ལས་དོན་མཐའ་དག་གི་འགོ་འཛུགས་ས་དང་དོན་ལ་བབས་སར་བརྩིས་ནས། “ཚང་དགོས་པ་གསུམ་དང་ཕན་འདོགས་པ་གཅིག”གི་སྤྱིའི་བླང་བྱ་ཕྱོགས་ཡོངས་ནས་དོན་འཁྱོལ་བྱེད་པ་དང་། “གཞི་རིམ་དུ་སྐྱོད་པ་བཞིའི”ལམ་ལུགས་ལག་བསྟར་ནན་པོ་བྱེད་པ། མང་ཚོགས་ཀྱིས་དོ་ཁུར་བྱེད་པའི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་ཡག་པོ་བྱེད་པ་བཅས་ཀྱི་ཐོག་ནས་མི་རིགས་ཁག་གི་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་སྣང་བཅས་ལོ་རེ་བཞིན་ཆེ་རུ་གཏོང་དགོས། དམ་འཛིན་དངོས་སྒྲུབ་དང་སྔོན་ཐོན་ཡར་བརྩོན་བྱེད་པར་ངེས་པར་དུ་མཐུན་སྒྲིལ་སྲུང་སྐྱོང་མཐའ་གཅིག་ཏུ་བྱེད་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འཛུགས་སྐྱོང་ལ་སྐུལ་འདེད་གཏོང་རྒྱུ་དེ་ལས་ཀའི་གཙོ་རྐང་དུ་བརྩིས་ནས། “མོས་སེམས་ལྔ”རྒྱུན་ཆད་མེད་པར་ཟབ་ཏུ་བཏང་སྟེ། མི་རིགས་ཁག་གི་མང་ཚོགས་སེ་འབྲུའི་རྡོག་ལྟར་གོང་བུ་གཅིག་ཏུ་སྒྲིལ་དགོས། དམངས་གཙོ་གཅིག་སྡུད་ལམ་ལུགས་ལག་བསྟར་ནན་པོ་བྱེད་པ་དང་། “གལ་ཆེན་གསུམ་དང་འབོར་ཆེན་གཅིག”གི་ཇུས་ཐག་གཅོད་པའི་ལམ་ལུགས་ཚད་ལྡན་དང་དོན་འཁྱོལ་བྱེད་པ། སྤྱི་ཚོགས་ཀྱི་ལས་རིགས་ཁག་གི་མི་སྣར་མཐུན་སྒྲིལ་དམ་ཟབ་བྱེད་པ་བཅས་ཀྱི་ཐོག་ནས་དུས་དང་རྣམ་པ་ཀུན་ཏུ་ཁུ་ཚུར་གཅིག་འཆང་ཞིང་སྐད་སྒྲ་ཞིག་སྒྲོག་དགོས། དམ་འཛིན་དངོས་སྒྲུབ་དང་སྔོན་ཐོན་བརྩོན་ལེན་བྱེད་པར་ངེས་པར་དུ་ཉམས་སད་ཐེག་ཐུབ་པའི་སྤྱོད་ཚུལ་སྦྱོང་བརྡར་བྱ་དགོས། ཡང་དག་པའི་སྲིད་དོན་ལས་རྗེས་ཀྱི་ལྟ་བ་སྐྱེད་པ་དང་ལག་ལེན་བསྟར་ཏེ། འཕེལ་རྒྱས་དང་བདེ་འཇགས་ལ་གཅིག་གྱུར་འཆར་འགོད་སྔར་ལས་ལེགས་པོ་བྱེད་པ་དང་། བྱས་འབྲས་ཐོབ་པར་ངས་མི་རྩོད་པ་དང་བྱས་རྗེས་འཇོག་པར་ང་ཡིས་འབད་པ། ཡུལ་བབ་དང་བསྟུན་པ། ཚན་རིག་དང་མཐུན་པའི་ཇུས་ཐག་གཅོད་པ་བཅས་རྒྱུན་འཁྱོངས་བྱས་ཏེ། མང་ཚོགས་ཀྱི་འདོད་བློར་བརྩི་འཇོག་བྱེད་པའི་རྨང་གཞིའི་ཐོག་རྨང་གཞི་འདིང་བ་དང་། གཏིང་ཤུགས་ཆེ་རུ་གཏོང་བ། ཕུགས་ལ་ཕན་པ་བཅས་ཀྱི་དོན་དངོས་མང་དུ་སྒྲུབ་པ་དང་། འཆར་གཞི་གཅིག་མཐའ་གཅིག་ཏུ་འགོད་པ། རྒྱུན་སྲིང་ལྷོད་མེད་ངང་བྱ་གཞག་ཁག་ལ་རྒྱུན་ཆད་མེད་པར་ཡར་ཐོན་གསར་པ་འབྱུང་བར་སྐུལ་འདེད་གཏོང་དགོས། དམ་འཛིན་དངོས་སྒྲུབ་དང་སྔོན་ཐོན་བརྩོན་ལེན་བྱེད་པར་ངེས་པར་དུ་མངའ་ཁོངས་སྲུང་བའི་འགན་འཁྲི་འཁུར་དགོས། ཞི་ཅིན་ཕིང་གི་ཏང་འཛུགས་སྐྱོང་གི་དགོངས་པ་ལག་བསྟར་གཏིང་ཟབ་བྱས་ཏེ། འགན་འཁྲི་གཙོ་བོ་འཁུར་བ་དང་། ལས་དོན་གཙོ་བོར་དམ་འཛིན་ཡག་པོ་བྱེད་པ། མི་སྣ་གཙོ་བོ་ཡག་པོ་བྱེད་པ། མི་སྣ་བཀོལ་སྤྱོད་ཀྱི་སྟོན་ཕྱོགས་མངོན་གསལ་དོད་པོ་འཛུགས་པ། སྐུལ་ལྕག་དང་གཅུན་སྡོམ་གལ་ཆེ་མཉམ་དུ་འཛིན་པ་དང་། དོ་དམ་དང་གཅེས་སྐྱོང་གཅིག་གྱུར་བྱ་རྒྱུ་མཐའ་འཁྱོངས་བྱེད་པ། སྤྱོད་ཚུལ་དང་རུལ་སུངས་མཉམ་བཤེར་མཉམ་བཅོས་གཏིང་ཟབ་ཏུ་གཏོང་བ། “འགོ་གཙོ་དང་པོ”དང་འགོ་ཁྲིད་ཚན་ཁག་ལ་ལྟ་སྐུལ་བྱ་རྒྱུར་ཤུགས་སྣོན་རྒྱག་པ། ལས་བྱེད་པར་སློབ་གསོ་དང་དོ་དམ་ནན་པོ་བྱེད་པ་བཅས་བྱས་ཏེ། རུལ་སུངས་བྱེད་མི་ཕོད་པ་དང་། རུལ་སུངས་བྱེད་མི་ཐུབ་པ། རུལ་སུངས་བྱེད་མི་འདོད་པ་བཅས་ལ་གཞི་གཅིག་ཏུ་སྐུལ་འདེད་གཏོང་དགོས་པའི་ནན་བཤད་གནང་བ་རེད།

མཇུག་ཏུ་ཀྲང་ལི་ཡིས། ད་ལྟ་ཚན་ཁག་གསར་པ་དང་། རྣམ་པ་གསར་པ། རྒྱང་ལམ་གསར་པ། བྱས་རྗེས་གསར་པ་བཅས་ཡིན་པས། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་འཁོར་དུ་དེ་བས་མཐུན་སྒྲིལ་དམ་ཟབ་བྱས་ཏེ། རང་སྐྱོང་ལྗོངས་ཏང་ཨུད་ཀྱི་སྲ་ཞིང་བརྟན་པའི་འགོ་ཁྲིད་འོག མངག་བཅོལ་ཟབ་མོ་བློ་ལ་བརྟན་པོར་ངེས་པ་དང་། དྲིན་ཚོར་ཡར་བརྩོན། འཕྲལ་མར་སྒྲུབ་པ། དམ་འཛིན་དངོས་སྒྲུབ་བཅས་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་ཆབ་མདོའི་ལེའུ་གསར་པ་ནུས་ཤུགས་ཡོད་རྒུས་རྩོམ་དགོས་ཞེས་གསུངས་པ་རེད།

ཚང་འཛོམས་གྲོས་ཚོགས་གྲོལ་རྗེས། ཀྲང་ལི་ཡིས་གསར་དུ་བདམས་ཐོན་བྱུང་བའི་གྲོང་ཨུད་སྐབས་གསུམ་པའི་རྒྱུན་ལས་ཨུ་ཡོན་གྱི་སྣེ་ཁྲིད་དེ་ཏང་ནང་ཞུགས་པའི་དམ་ཚིག་བསྐྱར་དྲན་གནང་བ་མ་ཟད། གྲོང་ཁྱེར་གསར་བརྗེའི་ལོ་རྒྱུས་རྟེན་རྫས་བཤམས་མཛོད་ཁང་ལ་ལྟ་སྐོར་བྱས་ནས་ཏང་གཤིས་ཀྱི་སློབ་གསོ་དང་ལེན་གནང་བ་རེད།