ཀྲུང་གླིང་ཤང་འོག་པ་གྲོང་ཚོའི་ཏང་ཀྲི་པུའི་ཧྲུའུ་ཅི་དང་གྲོང་ཚོ་ཨུ་ལྷན་གྱི་ཀྲུའུ་རེན་བསོད་ནམས་ཚེ་བརྟན་ནི་ཕན་པ་ཐོབ་མཁན་གྱི་གྲས་ཤིག་རེད། 2012ལོར་རྫོང་གིས་ཀྲུང་གླིང་ཤང་དུ་མུའུ་ཁྲི་ཡོད་པའི་རྒུན་འབྲུམ་འདེབས་འཛུགས་རྟེན་གཞི་བསྐྲུན་རྒྱུའི་འཆར་འགོད་བྱས་ཤིང་། ཐོན་ལས་བཀོད་པ་དེས་འོག་པ་གྲོང་ཚོའི་འཕེལ་རྒྱས་གཏོང་སྟངས་ལ་འགྱུར་ལྡོག་བཏང་སྟེ་གྲོང་ཚོ་དེའི་ཐུན་མིན་གྱི་ས་བབ་ཆ་རྐྱེན་ལ་བརྟེན་ནས་རྫོང་ཡོངས་ཀྱི་རྒུན་འབྲུམ་ཐོན་ལས་ནང་སྔོན་ལ་ཞུགས་ཡོད་པ་རེད།

“སྔོན་ཆད་ང་ཚོའི་ཁང་པའི་རྒྱབ་མདུན་གྱི་རྒུན་འབྲུམ་སྡོང་པོ་ནས་སྨིན་པའི་རྒུན་འབྲུམ་ནང་མིས་ཟ་བ་ཙམ་ལས་ཕྱིར་འཚོང་དེ་ཙམ་བྱེད་ཀྱི་མེད”ཅེས་བསོད་ནམས་ཚེ་བརྟན་གྱིས་ཕྱིར་དྲན་བྱས་ཏེ་བརྗོད། 2012ལོར་གྲོང་ཚོའི་ནང་མུའུ་70ཡོད་པའི་གྲོང་ཚོའི་མཉམ་སྡེབ་དཔལ་འབྱོར་གྱི་རྒུན་འབྲུམ་རྟེན་གཞི་བསྐྲུན་པ་ནས་བཟུང་། ཡུལ་མི་ཚོར་རྒུན་འབྲུམ་འདེབས་འཛུགས་ཐད་ཀྱི་ཧུར་སེམས་སྔ་ན་མེད་པ་ཞིག་བྱུང་ཡོད། དེའི་ཁར་རྫོང་ཞིང་ལས་དང་གྲོང་གསེབ་སྡེ་ཚན་གྱིས་དུས་བཀག་ལྟར་ལག་རྩལ་ཐད་ཀྱི་གསོ་སྦྱོང་བྱས་པས་ཚང་མའི་འདེབས་འཛུགས་ཀྱི་ཆུ་ཚད་ལོ་རེ་བཞིན་མཐོ་རུ་ཕྱིན་ནས་སྔོན་ཆད་རྒུན་འབྲུམ་གྱི་སྤུས་ཚད་ཞན་པའི་གནད་དོན་ལའང་འགྱུར་ལྡོག་མཐར་ཕྱིན་པ་བཏང་ཡོད།

2025ལོར་མུའུ་70ཡོད་པའི་གྲོང་ཚོའི་མཉམ་སྡེབ་ས་ཆ་ནས་རྒུན་ཆང་རྒྱ་མ་ཁྲི་3དང་རྒུན་འབྲུམ་རྒྱ་མ་སྟོང་3ལྷག་ཙམ་ཐོན་ནས་ལོ་རེར་ཡོང་འབབ་སྒོར་ཁྲི་20ལྷག་ཙམ་ཟིན་ཡོད།

དེ་བས་གལ་འགངས་ཆེ་བ་ཞིག་ནི་ཀྲུང་གླིང་ཤང་གི་མུའུ་ཁྲི་ཡོད་པའི་རྒུན་འབྲུམ་རྟེན་གཞིས་ཡུལ་མིར་ལས་ཞུགས་ཀྱི་ལས་གནས་མང་པོ་མཁོ་འདོན་བྱས་ཡོད། “ང་ཚོའི་གྲོང་ཚོའི་མི་38ཀྱིས་རྒུན་འབྲུམ་རྟེན་གཞིར་དུས་ཡུན་རིང་པོར་ལས་ཀ་བྱེད་ཀྱི་ཡོད་པ་དང་། ལོ་ལྟར་རྟེན་གཞིས་ད་དུང་གནས་སྐབས་ལས་མི་མང་པོ་ཡང་གླ་ཡི་ཡོད། ན་ནིང་ལས་མིའི་ཁ་གསབ་རོགས་དངུལ་ཁོ་ནར་སྒོར་ཁྲི་200ལྷག་ཙམ་སྤྲད་ཡོད”ཅེས་བསོད་ནམས་ཚེ་བརྟན་གྱིས་ངོ་སྤྲོད་བྱས་ཤིང་། ཁོང་གིས། རྒུན་འབྲུམ་རྟེན་གཞིར་ཡུལ་མི་ཚོས་ཡལ་བཞུར་རྒྱག་པ་དང་། ལུད་རྒྱག་པ། རྩྭ་ངན་བཀོག་པ། རྒུན་འབྲུམ་འཐོག་པ། གཡོག་བྱེད་སོགས་ཀྱི་ལས་ཀ་བྱེད་ཀྱི་ཡོད་ལ་མི་རེར་ཉིན་རེར་སྒོར་130རག་གི་ཡོད། གྲོང་ཚོའི་ནང་གི་དུད་ཁྱིམ་164ཡོད་པ་དང་ཧ་ལམ་དུད་ཁྱིམ་རེ་རེའི་ནང་མིས་རྟེན་གཞིར་ལས་ཀ་བྱེད་ཀྱི་ཡོད་ཅེས་བརྗོད་པ་རེད།

རབ་ཅན་ཤང་གི་ལོ་ངོ་400ལྷག་ཙམ་གྱི་དྲག་ཆར་རླུང་འཚུབ་བརྒྱུད་མྱོང་བའི་གནའ་བོའི་རྒུན་འབྲུམ་སྡོང་པོ་དེ་ནས་ད་ཆ་ཤང་དང་གྲོང་རྡལ་6གི་མུའུ་ཁྲི་ཡོད་པའི་རྒུན་འབྲུམ་ར་བའི་བར་དང་། “སྡོང་རྐང་གཅིག”ནས“མུའུ་ཁྲི་ཟིན་པའི་གླིང་ཁའི”བར་གྱི་ཉམས་དགའ་བའི་འཕོ་འགྱུར་ཁྲོད། མཛོ་སྒང་རྫོང་གི་རྒུན་འབྲུམ་ཐོན་ལས་རྒྱུན་ཆད་མེད་པར་སྤུས་ཚད་ལེགས་སུ་འགྲོ་བའི་དུས་མཚུངས་སུ་རང་ཡུལ་གྱི་མང་ཚོགས་བདེ་སྐྱིད་དཔལ་ལ་རོལ་བའི་འཚོ་བ་གསར་པའང་བསྐྲུན་པ་རེད།

ལོ་དེར་ཉི་མ་བཀྲ་ཤིས་ཀྱིས་རྫོང་སློབ་འབྲིང་དུ་སློབ་དུས་གཅིག་ལས་མ་ཕྱིན་པར་ཁྱིམ་དུ་ཕྱུགས་རྫིར་ལོག་ཡོང་པས། གྲོང་སྡོད་ལས་དོན་རུ་ཁག་གི་རུ་མིས་ཕྱུགས་འཚོ་སར་ཐེངས་མང་བསྐོང་བར་ཡོང་ནས་ཁོང་གི་ཕ་མར་གོ་བསྐོན་བློ་འགུག་བྱས་མཐར། ཉི་མ་བཀྲ་ཤིས་ཀྱི་ཨ་མ་སེམས་འགུལ་ཐེབས་པ་དང་། ཨ་ཕས་ནོར་བཙོངས་པའི་ཁར་ལས་དོན་རུ་ཁག་གིས་རོགས་སྐྱོར་གང་ཐུབ་བྱས་པས། ཁོང་ཆབ་མདོ་གྲོང་ཁྱེར་ལས་རིགས་ལག་རྩལ་སློབ་གྲྭ་འགྲིམ་ཐུབ་པ་རེད། དེ་ནས་བཟུང་ཉི་མ་བཀྲ་ཤིས་ཀྱིས་ལས་རིགས་སློབ་གྲྭ་ནས་སློབ་ཆེན་དུ་རྒྱུགས་སྤྲད་པ་མ་ཟད། མཐར་ཞིབ་འཇུག་སློབ་མར་ཡང་རྒྱུགས་འཕྲོད་དེ་བོད་ལྗོངས་བོད་ལུགས་གསོ་རིག་སློབ་ཆེན་ནས་མཐར་ཕྱིན་ཏེ། འཇོ་མདའ་རྫོང་སྨན་རྩིས་ཁང་གི་སྨན་པ་ཞིག་ཏུ་གྱུར།

“2020ལོར་བསམ་གྲུབ་རོང་གྲོང་ཚོའི་ཏང་ཀྲི་པུའུ་ཡིས‘གྲོང་གསེབ་ཀྱི་སློབ་གསོ་ཡག་པོ་གཉེར་རྒྱུ’དེ‘འདུ་འགོད་ཨང་དང་པོར’བརྩིས་ཤིང་། བློ་རྣམ་གྱིས“སྒྲིག་ལམ་འདི་ཐེངས་རིམ་བྱུང་གི་ཚན་ཁག་གཉིས་ཀྱིས་ཀྱང་འགྱུར་བ་བཏང་མེད”ཅེས་བཤད།

“2018ལོར་བསོད་ནམས་རྒྱ་མཚོ་ལྷ་ས་དགེ་འོས་སློབ་གླིང་ནས་ཐོན་ཏེ་གྲོང་ཚོར་ལོག་པ་དང་། ཁོང་ནི་གྲོང་ཚོའི་ལས་བྱེད་པ་བྱེད་མཁན་སློབ་གྲྭ་ཆེ་མོ་བ་དང་པོ་དེ་རེད། སྐབས་བརྗེའི་འདེམས་བསྐོ་བྱས་རྗེས། ཁོང་གྲོང་ཚོ་ཨུ་ཡོན་ལྷན་ཁང་གི་ཀྲུའུ་རེན་ལ་བདམས་པས། ཚན་ཁག་གི་ཆ་སྙོམས་ལོ་ཚད་43.4ནས་ལོ་34.2བར་ཆག་པ་དང་། གྲོང་ཚོར་ཆེད་ཚན་ཡན་གྱི་སློབ་རྒྱུས་ལྡན་པའི་ལས་བྱེད་པ་མེད་པའི་སྟོང་ཆ་ཡང་གསབ་ཐུབ་ཡོད།

ཀྲང་ཤིང་པིན་དང་ལས་དོན་རུ་ཁག་སླེབས་རྗེས། གྲོང་ཚོར་མི་རིགས་ལག་ཤེས་བཟོ་རྩལ་དར་རྒྱས་གཏོང་རྒྱུར་སྐུལ་འདེད་བཏང་ནས་མཉམ་སྡེབ་ཀྱི་ཐོན་ཁུངས་གང་འགབ་ཅི་སྤྱོད་བྱས་པས། 2025ལོར་མཉམ་སྡེབ་དཔལ་འབྱོར་གྱི་སྤྱིའི་ཡོང་འབབ་སྒོར་ཁྲི་50ཟིན་ཞིང་། གྲོང་ཚོ་ཨུ་ལྷན་གྱིས་ཡོང་འབབ་ཀྱི་15%བཏོན་ནས“བསམ་གྲུབ་རོང་གི་སློབ་གསོའི་སྤྱི་ཕན་ཐེབས་རྩ”བཙུགས་ཏེ་སློབ་ཆེན་དུ་རྒྱུགས་འཕྲོད་མཁན་སློབ་མར་བྱ་དགའ་དང་དཀའ་ངལ་ཡོད་པའི་ཁྱིམ་ཚང་ལ་རོགས་སྐྱོར་བྱས་པ་རེད།

ད་ཆ་གྲོང་ཚོའི་དར་སྲོལ་ལ་འགྱུར་ལྡོག་ཆེན་པོ་བྱུང་བ་ནི། ཡུལ་མི་ཕན་ཚུན་ཐུག་སྐབས་ཁྱིམ་ཚང་སུའི་ནོར་ལུག་གི་ཤ་ཤེད་ཡག་པ་དང་དབྱར་རྩྭ་དགུན་འབུ་མང་བའི་སྐོར་མི་གླེང་བར་སློབ་གྲྭ་ཆེ་མོ་བ་ཐོན་མཁན་དང་སློབ་གྲྭ་གང་དུ་རྒྱུགས་འཕྲོད་ཡོད་མེད་སྐོར་གླེང་བ་དེ་ཡིན། གྲོང་ཚོས་མངོན་གསལ་དོད་སར“སློབ་མའི་སློབ་ཐོན་མིང་ཐོ”བཀལ་ནས་སློབ་གྲྭ་ཆེ་མོ་བ་ཚང་མའི་པར་སྦྱར་བ་དང་སྦྲགས་དེའི་གནས་ཚུལ་བྲིས་ཡོད། མིག་སྔར་སློབ་གྲྭ་ཆེ་མོ་བ་26ཕ་ཡུལ་དུ་ལོག་ནས་ལས་གཏོད་བྱས་པའི་ནང་། ཁག་གཅིག་གྲོང་ཚོའི“ཨུ་ལྷན་གཉིས”སུ་ལས་ཀར་བསྐྱོད་པ་དང་། ཁག་གཅིག་ཐོན་ལས་སྣེ་འཁྲིད་པར་གྱུར་པ། ཁག་གཅིག་གིས་ལས་གཏོད་བྱས་ཏེ་ས་མཐོའི་ཁྱད་ལྡན་ཐོན་རྫས་ཕྱིར་འཚོང་བྱེད་བཞིན་ཡོད།

ཉིན་དེའི་ས་སྲོད་ཀྱི་མཚམས་སུ། ཀྲང་ཤིང་པིན་གྱིས་བློ་རྣམ་དང་མཉམ་དུ་འགྲེམས་པང་གི་མདུན་དུ་བསྡད་ནས་ན་གཞོན་དེ་དག་གི་པར་ལ་ལྟ་བཞིན་ཡོད་པ་དང་། ཀྲང་ཤིང་པིན་གྱིས“འགྲེམས་པང་ནང་སློབ་གྲྭ་ཆེ་མོ་བའི་པར་ཤོང་གི་མི་འདུག་པས་རྗེས་སུ་དེ་ལས་ཆེ་བ་ཞིག་བརྗེ་དགོས་ཀྱི་འདུག”ཅེས་དགའ་ཚོར་ཆེན་པོས་བཤད།