འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་ཆར། ཆབ་མདོ་གྲོང་ཁྱེར་ཐང་གའི་ཚོན་བྲིས་སྒྱུ་རྩལ་མཐུན་ཚོགས་ཀྱིས་ལས་དོན་མི་སྣ་སྒྲིག་འཛུགས་བྱས་ཏེ། ཁ་རུབ་ཆུས་ཀརྨ་ཤང་དུ་ལོ་གསར་སྔོན་ལ་འཚམས་འདྲིའི་བྱེད་སྒོ་སྤེལ་ནས། དཀའ་ངལ་ཡོད་པའི་མང་ཚོགས་དུད་ཚང་46ལ་ལོ་གསར་གྱི་འཚམས་འདྲི་ཞུས་པ་དང་། འབྲས་དང་གྲོ་ཞིབ། ཇ་དང་ཟ་སྣུམ་སོགས་ཁྱོན་བསྡོམས་སྒོར་22000ཙམ་གྱི་དངོས་ཟོག་སྤྲད་པ་རེད། གོམ་སྟབས་རྗེས་མར། ཆབ་མདོ་གྲོང་ཁྱེར་ཐང་གའི་ཚོན་བྲིས་སྒྱུ་རྩལ་མཐུན་ཚོགས་ཀྱིས་སྤྱི་ཚོགས་ཀྱི་འགན་འཁྲི་ཧུར་ཐག་བསྒྲུབས་ནས་སྤྱི་ཕན་བྱ་གཞག་སྣ་ཚོགས་ནང་ཞུགས་ཏེ། སྤྱི་ཚོགས་ལ་དྲིན་གཟོ་དང་གཅེས་སེམས་མཚོན་ཕྱིར་ཆབ་མདོའི་རིག་གནས་དར་རྒྱས་དང་སྤྱི་ཚོགས་གོང་འཕེལ་ཡོང་ཆེད་སྟོབས་ཤུགས་དེ་བས་ཆེ་བ་འབུལ་རྒྱུ་རེད།