འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་ཆར། ཁ་རུབ་ཆུས་མགུ་རོ་གྲོང་རྡལ་གྱིས“དམར་མདངས་ཆབ་མདོ། དར་རྒྱས་ཡར་བརྩོན”གྱི་བྱེད་སྒོ་སྐབས་གཉིས་པ་དང་2026ལོའི་དཔྱིད་གསར་དུས་ཆེན་དགའ་བསུའི་གླུ་གར་ཆེ་གྲས་ཀྱི་བྱེད་སྒོ་སྤེལ་ཞིང་། ད་ཐེངས་ཀྱི་བྱེད་སྒོ་དེ་རྟ་ལོའི་དཔྱིད་གསར་དུས་ཆེན་དགའ་བསུ་དང་གྲོང་གསེབ་དར་རྒྱས་སོགས་ཀྱི་བརྗོད་དོན་གཙོ་བོར་དམ་པོར་དམིགས་པ་དང་། རིག་རྩལ་ལེ་ཚན་དེ་དག་གྲོང་ཚོ་ཁག་གི་རིག་རྩལ་དཔུང་ཁག་གིས་རང་བརྩམས་རང་འཁྲབ་བྱས་ཏེ་མངོན་མིན་རིག་གནས་ཤུལ་བཞག་རྒྱུན་འཛིན་དང་དུས་རབས་ཀྱི་ཁྱད་ཆོས་མཉམ་འདྲེས་བྱས་པ་རེད། གྲོང་རྡལ་གྱི་ཆེད་བསྐོས་མེ་ཟོན་རུ་ཁག་གི《མེས་རྒྱལ་ནམ་ཡང་བརྗེད་མི་སྲིད》ཅེས་པ་ནས་འགོ་ཚུགས་ཤིང་། གཞས་དང་ཞབས་བྲོ་སོགས་ཀྱི་ལེ་ཚན་རེས་མོས་ངང་འཁྲབ་སྟོན་བྱས་ནས་མགུ་རོ་གྲོང་རྡལ་གྱི་འཕེལ་རྒྱས་ཀྱི་རྣམ་པ་གསར་པ་དང་མང་ཚོགས་ཀྱི་བདེ་སྐྱིད་ལྡན་པའི་འཚོ་བ་གསོན་ཉམས་དོད་པའི་ངང་མངོན་པར་བྱས་ཡོད་པ་རེད།