འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་2ཚེས་12ཉིན། གྲོང་ཁྱེར་སྲིད་གཞུང་གི་གྲོང་སྤྱི་གཞོན་པ་ཕུའུ་ཡུས་ཧུས་དང་གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་སྒྲོལ་དཀར་གཉིས་ཀྱིས་གྲོང་ཁྱེར་ཡིག་སྐུར་ངོ་བཅར་ཅུད་དུ་ཞུ་ལེན་བྱེད་སྒོ་སྤེལ་ནས། ཡུལ་དངོས་སུ་ཞིང་པ་ལས་མི་དག་གི་གླ་ཆ་འགྱངས་ཆད་ཀྱི་གནད་དོན་ཞུ་ལེན་ཐག་གཅོད་བྱས་པ་རེད། ཡིག་སྐུར་ངོ་བཅར་ཡོང་མཁན་གྱི་ཞུ་བ་ནན་ཏན་ངང་གསན་ཏེ། གླ་ཆ་འགྱངས་ཆད་ཀྱི་རྣམ་གྲངས་དང་གླ་ཆ་འགྱངས་ཆད་ཀྱི་དངུལ་གྲངས། དེ་བཞིན་གནད་དོན་གྱི་འབྱུང་རྐྱེན་སོགས་ཤེས་རྟོགས་ཞིབ་ཕྲ་བྱས་ཡོད།ཞིང་པ་ལས་མི་ཚོས་བཏོན་པའི་འགྲིམ་འགྲུལ་རྣམ་གྲངས་ཤིག་གི་གླ་ཆ་འགྱངས་ཆད་ཀྱི་གནད་དོན་ལ་དམིགས་ཏེ། ཡུལ་དངོས་སུ་འབྲེལ་ཡོད་སྡེ་ཚན་གྱི་འགན་འཁུར་བ་སྒྲིག་འཛུགས་ཐོག་གྲོས་མོལ་བྱས་ཏེ། གནས་ཚུལ་གང་མགྱོགས་ཞིབ་དཔྱད་བྱེད་དགོས་པ་དང་། བཅའ་ཁྲིམས་དང་སྒྲིག་སྲོལ་གཞིར་བཟུང་ཁེ་ལས་ལ་དུས་བཀག་ལྟར་གླ་ཆ་འགྱངས་ཆད་ཀྱི་གནད་དོན་སྤྲོད་དགོས་ཤིང་། གནས་ཚུལ་རྙོག་འཛིང་ཆེ་ལ་བརྟག་དཔྱད་སྔར་ལས་ལྷག་པ་བྱེད་དགོས་པའི་གནད་དོན་ལ་འགན་འཁྲི་ཁ་གསལ་བཟོ་བའི་ཚན་པ་དང་དུས་ཚོད་གཏན་འཁེལ་བྱས་ཏེ། རྩིས་ཐོའི་ལམ་ནས་དོ་དམ་དང་སྐུལ་འདེད་གཏོང་དགོས་པའི་བླང་བྱ་བཏོན་ཡོད།