འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་1ཚེས་20ཉིན་གྱི་ཕྱི་དྲོར། གྲོང་ཁྱེར་སྲིད་གྲོས་ཆབ་མདོ་གྲོང་ཁྱེར་ཨུ་ཡོན་ལྷན་ཁང་སྐབས་གཉིས་པའི་ཀྲུའུ་ཞིའི་ཚོགས་འདུ་ཐེངས་39པ་འཚོགས་ཤིང་། གྲོང་ཁྱེར་སྲིད་གྲོས་ཀྱི་ཏང་ཙུའི་ཧྲུའུ་ཅི་དང་ཀྲུའུ་ཞི་ཉི་མ་ཚེ་རིང་གིས་ཚོགས་འདུར་གཙོ་སྐྱོང་གནང་བ་རེད།

ཉི་མ་ཚེ་རིང་གིས། གྲོང་ཁྱེར་སྲིད་གྲོས་ཀྱིས་ཆབ་སྲིད་ཐད་ལྷག་བསམ་རྣམ་དག་དང་བསམ་བློའི་ཁ་ཕྱོགས་བརྟན་པོ་ཡོང་བར་བྱས་ཏེ་རང་རྟོགས་ངང་སྲིད་གྲོས་ཀྱི་ལས་དོན་དེ་ཏང་ཨུད་དང་སྲིད་གཞུང་གི་ལྟེ་བའི་ཁྱོན་ཡོངས་ནང་ཁྱབ་པ་དང་། རང་རྟོགས་ངང་སྲིད་གྲོས་ཀྱི་སྒྲིག་ཡིག་ལ་བརྩི་སྲུང་ཞུ་བ། ལས་ཀའི་ལམ་ལུགས་ཁག་ལག་བསྟར་ནན་ཏན་བྱེད་པ། རིག་གཞུང་གི་དྲག་ཆས་སྤྲས་ཤུགས་ཆེ་རུ་གཏོང་བ་བཅས་བྱས་ཏེ། ལས་ཆོད་ཆེན་པོས་འགན་ནུས་སྒྲུབ་པར་མཐུན་རྐྱེན་སྦྱོར་དགོས་ཤིང་། གཙོ་གནད་བརྟག་ཞིབ་དང་གྲོས་མོལ།ལྟ་ཞིབ། ཨུ་ཡོན་སྦྱོང་བརྡར་སོགས་གཙོས་པའི་ལོ་འཁོར་གྱི་བརྟག་ཞིབ་དང་གྲོས་མོལ་འཆར་གཞི་རྣམས་ཚན་རིག་དང་མཐུན་པའི་སྒོ་ནས་བཟོ་འགོད་དང་། ལྟ་ཞིབ་ལས་དོན་དང་རིག་གནས་ལོ་རྒྱུས་ལས་དོན། ཨུ་ཡོན་སྦྱོང་བརྡར། གྲོས་གཞིའི་ལས་དོན་སོགས་ཀྱིས་མཚོན་པའི་ལོ་ལྔའི་འཆར་འགོད་ཚན་རིག་དང་མཐུན་པའི་སྒོ་ནས་ཇུས་འགོད་བྱེད་པ། “འཆར་འགོད་འཛུགས་སྐྲུན་ལོའི”ཇུས་གཞི་བཟོ་བ་དང་། “འབྲེལ་གཏུག་བཞིའི”ལམ་ལུགས་དམ་འཛིན་ཏན་ཏིག་དང་ཞིབ་ཚགས་བཟོ་བ། གནས་ཚུལ་ཤེས་རྟོགས་དང་སྲིད་དོན་གསལ་རྟོགས་ཀྱི་ལས་ཀའི་ཇུས་གཞི་དང“དཔེ་ཀློག་སྲིད་གྲོས”འཛུགས་སྐྱོང་གི་ཇུས་གཞི་བཟོ་བ། ཏང་སྲིད་འགོ་ཁྲིད་ལས་བྱེད་པས་སྣེ་ཁྲིད་དང་སྐུལ་སྒྲུབ་ཀྱི་གཙོ་གནད་གྲོས་གཞིའི་ལམ་ལུགས་གཏན་འབེབས་ཡག་པོ་བཅས་བྱས་ཏེ། ཀྲུའུ་ཞི་ཚོགས་འདུའི་ཁོངས་མིས་སྣེ་ཁྲིད་དེ་བརྟག་ཞིབ་དང་གྲོས་མོལ་བྱེད་པའི་ལམ་ལུགས་འཛུགས་དགོས་ལ།རང་གཅུན་ནན་པོ་དང་རང་འགན་རང་འཁུར།རང་ཁོངས་དོ་དམ་བཅས་མཐའ་འཁྱོངས་བྱས་ཏེ། བླང་བྱ་ནན་ལ་སྤྱོད་ཚུལ་དངོས་ཀྱི་ཐོག་ནས་ལས་འགན་ལྕི་པོ་འཁུར་ནུས་པའི་དཔུང་ཁག་ཅིག་གཏོད་དགོས་ཞེས་ནན་གསུང་གནང་ཡོད།

གྲོང་ཁྱེར་སྲིད་གྲོས་ཀྱི་ཀྲུའུ་ཞི་གཞོན་པ་ཧུའུ་ཏེང་ཧྥུ་དང་ཚེ་རིང་ནོར་བུ། ཀྲང་ཝང་ལི། ཚེ་རིང་སོགས་ཚོགས་འདུར་ཞུགས་ཡོད་པ་རེད།