འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་1ཚེས་19ཉིན།གྲོང་ཁྱེར་སྲིད་གཞུང་གི་ཏང་ཙུའུ་ཡིས་2025ལོ་འཁོར་གྱི་དམངས་གཙོའི་འཚོ་བའི་ཚོགས་འདུ་འཚོགས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རང་ངོས་གསར་བརྗེའི་སྐོར་གྱི་དགོངས་པ་གལ་ཆེན་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་ཆབ་སྲིད་ཅུས་ཀྱི་དམངས་གཙོའི་འཚོ་བའི་ཚོགས་འདུའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་དང་ལག་བསྟར་གཏིང་ཟབ་གནང་ཡོད། གྲོང་ཨུད་ཀྱི་ཧྲུའུ་ཅི་གཞོན་པ་དང་། གྲོང་ཁྱེར་སྲིད་གཞུང་གི་ཏང་ཙུའི་ཧྲུའུ་ཅི། གྲོང་སྤྱི་བཅས་ཡིན་པའི་ལུའོ་ཆིང་ཝུའུ་ཡིས་ཚོགས་འདུར་གཙོ་སྐྱོང་དང་གསུང་བཤད་གནང་བ་རེད། གྲོང་ཁྱེར་སྒྲིག་ཨུད་ལྟ་ཞིབ་ཨུ་ལྷན་དང་། གྲོང་ཨུད་རྩ་འཛུགས་པུའི་འབྲེལ་ཡོད་བློ་མཐུན་རྣམས་ཚོགས་འདུར་ཕེབས་ནས་མཛུབ་ཁྲིད་དང་དཔྱད་བརྗོད་གནང་བ་རེད།

ཚོགས་འདུའི་ཐོག་ཆབ་མདོ་གྲོང་ཁྱེར་གྱི་རུལ་སུངས་གྱོད་གཞིས་མཚོན་པའི་མངོན་གསལ་དོད་པའི་གནད་དོན་དང་དེ་བཞིན་གྱོད་གཞི་བཅོས་སྒྲིག་ལ་སྐུལ་འདེད་གཏོང་བའི་གྲོས་འགོ།གྲོང་ཁྱེར་སྲིད་གཞུང་གི་ཏང་ཙུའུ་ཚན་ཁག་གིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དག་ཐེར་བཅོས་སྒྲིག་བྱས་ཚུལ་དང་།2024ལོའི་དམངས་གཙོའི་འཚོ་བའི་ཚོགས་འདུའི་དག་ཐེར་དོན་འཁྱོལ་བྱས་ཚུལ། 2025ལོ་འཁོར་གྱི་དམངས་གཙོའི་འཚོ་བའི་ཚོགས་འདུའི་གོང་གི་གྲ་སྒྲིག་བྱས་ཚུལ་བཅས་བརྡ་ཁྱབ་བཏང་བ་རེད། ལུའོ་ཆིང་ཝུའུ་ཡིས་གྲོང་ཁྱེར་སྲིད་གཞུང་གི་ཏང་ཙུའི་འགོ་ཁྲིད་ཚན་ཁག་གི་ཚབ་ཞུས་ནས་ལྟ་སྡུར་ཞིབ་བཤེར་བྱས་པར་མ་ཟད།ཏང་ཙུའི་ཁོངས་མི་གཞན་དག་གིས་རེ་རེ་བཞིན་ལྟ་སྡུར་ཞིབ་བཤེར་བྱས་ཏེ་སྐྱོན་བརྗོད་དང་རང་སྐྱོན་རང་བརྗོད་ནན་ཏན་བྱས་པ་རེད།

ལུའོ་ཆིང་ཝུའུ་ཡིས་ཕྱོགས་བསྡོམས་ཀྱི་གསུང་བཤད་གནང་སྐབས། གྲོང་ཁྱེར་སྲིད་གཞུང་གི་ཏང་ཙུའི་འགོ་ཁྲིད་ཚན་ཁག་དང་འགོ་ཁྲིད་ཚན་ཁག་གི་ཁོངས་མིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱ་རྒྱུ་དེ་ཆབ་སྲིད་ཀྱི་ལས་འགན་ཨང་དང་པོར་བརྩིས་ནས།“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་བླངས་ཏེ། “སྲུང་སྐྱོང་གཉིས”ཐུབ་པར་བྱས་ནས་སློབ་སྦྱོང་གི་གྲུབ་འབྲས་དེ་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཕན་འབྲས་དངོས་ལ་འགྱུར་བར་བྱེད་དགོས། ད་ཐེངས་ཀྱི་དམངས་གཙོའི་འཚོ་བ་འདི་ཉིད་འགོ་འཛུགས་ས་གསར་པར་བརྩིས་ནས་གནད་དོན་དག་ཐེར་དམ་འཛིན་དང་གྲུབ་འབྲས་བེད་སྤྱོད་བྱེད་ཤུགས་ཆེ་རུ་བཏང་སྟེ་སྲིད་གཞུང་གི་ལས་དོན་ཁག་སྐས་རིམ་གསར་པ་ཞིག་ཏུ་བསླེབ་རྒྱུར་སྐུལ་འདེད་གཏོང་དགོས་ཞེས་བསྟན་ཡོད།