འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ12པའི་ཚེས18ཉིན། ཆབ་མདོ་གྲོང་ཁྱེར་མི་དམངས་སྨན་ཁང་གིས“བོད་སྐྱོར་སྙིང་སྟོབས་ཉམས་སུ་མྱོང་། ཐོག་མའི་བསམ་འདུན་འབད་པ་བྱེད”ཅེས་པ་བརྗོད་དོན་གཙོ་བོར་བཟུང་ནས་ཏང་ཡོན་ལས་བྱེད་པ་སྒྲིག་འཛུགས་བྱས་ཏེ་དངོས་ཟིན་གློག་བརྙན《བོད་རོགས་པའི་གཏམ་རྒྱུད》ཅེས་པར་བལྟས་པ་དང་། སྨན་ཁང་དེ་གའི་ཏང་ཡོན་ལས་བྱེད་པ40ལྷག་ཐེངས་འདིའི་བྱེད་སྒོ་ནང་ཞུགས་ཡོད།

ཤེས་རྟོགས་བྱུང་བར་གཞིགས་ན། གློག་བརྙན་དེར་བོད་སྐྱོར་གྱི་ལོ་རྒྱུས་དང་མི་སྣའི་གཏམ་རྒྱུད་དངོས་རྒྱབ་ལྗོངས་སུ་བྱས་ཏེ། བོད་སྐྱོར་ལས་བྱེད་ཤེས་ལྡན་པས་གཅིག་རྗེས་གཉིས་མཐུད་དང་རྒྱུན་མཐུད་འབད་འཐབ་བྱེད་པའི་ལོ་རྒྱུས་བརྗོད་ཡོད་ཅིང་། གློག་བརྙན་པར་ལེན་ཚོགས་པ་བོད་ཤར་མུ་ཏིག་ཆབ་མདོ་རུ་བསྐྱོད་དེ། ར་འོག་མཚོའི་དྭངས་གཙང་དང་། གངས་རི་དང་འཁྱགས་རོམ་གྱི་བརྗིད་ཆགས། བོད་ཀྱི་གྲོང་ཚོའི་གནའ་ཉམས་དང་བབ་ཆགས་བཅས་པར་ལེན་བྱས་ཡོད། གློག་བརྙན་དེས་ས་གནས་དེ་གའི་མང་ཚོགས་འབོར་ཆེན་འཁྲབ་མིར་བསྡུས་པ་མ་ཟད། ད་དུང་བོད་སྐྱོར་ལས་བྱེད་པ་ཡང་འཁྲབ་སྟོན་ལ་གདན་དྲངས་ཤིང་། ཁོང་ཚོས་ས་མཐོར་དཀའ་སྤྱད་འབད་འབུངས་བྱས་པའི་དྲན་ཤེས་དང་གཞི་རིམ་ལ་རྩ་བ་ཚུགས་པའི་བརྟན་སྲུང་གི་སྙིང་སྟོབས་ལ་བརྟེན་ནས་གློག་བརྙན་གསར་རྩོམ་ནང་ཞུགས་པས། རོགས་སྐྱོར་གྱི་དོན་དག་རེ་རེ་དང་འགག་སྒྲོལ་རེ་རེ་ཚང་མར་དྲོད་འཁོལ་གྱིས་ཁེངས་པ་དང་། མི་སེམས་གཡོ་བར་བྱེད་པའི་ཁྱད་ཆོས་ཡོད་ཅིང་། ལྟད་མོ་བ་ཚོས་གློག་བརྙན་ནང་གི་མི་སྣའི་དགའ་སྐྱོ་མཉམ་དུ་ཚོར་ཡོད་པ་རེད།