འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཚེས16ཉིན་གྱི་སྔ་དྲོར། ཆབ་མདོ་གྲོང་ཁྱེར་བདེ་འཇགས་ཐོན་སྐྱེད་ཨུ་ལྷན་གཞུང་སྒྲུབ་ཁང་དང་ཆབ་མདོ་གྲོང་ཁྱེར་འཕྲལ་བསྟུན་དོ་དམ་ཅུས་ཀྱིས་ཇ་རྟ་ཐང་ཆེན་དུ་ཆབ་མདོ་གྲོང་ཁྱེར་གྱི2025ལོའི“བདེ་འཇགས་དྲིལ་བསྒྲགས་བློ་འདྲི་ཉིན་མོའི”བྱེད་སྒོ་སྤེལ་བ་རེད། གྲོང་ཨུད་ཀྱི་ཧྲུའུ་ཅི་གཞོན་པ་ཧྲེ་ཀྲང་ལའོ་ཆིན་འུའུ་དང་། གྲོང་ཨུད་ཀྱི་རྒྱུན་ཨུ་རྒྱུན་ལས་ཧྲེ་ཀྲང་གཞོན་པ་ཝུའུ་དབྱིང་ཧའེ་རྣམ་གཉིས་བྱེད་སྒོ་ཞུགས་པ་མ་ཟད་ས་གནས་ས་ཐོག་ཏུ་མཛུབ་ཁྲིད་བྱས་ཡོད།
བྱེད་སྒོ་ཡུལ་དངོས་སུ་ལས་ཁུངས་ཁག་གིས་འགྲེམ་པང་བཤམ་སྟོན་དང་བདེ་འཇགས་སྒྲོག་འགྲེལ། དཔྱད་གཞིའི་ཡིག་རིགས་འགྲེམ་གཏོང་སོགས་བྱས་པ་བརྒྱུད། སྤྱི་དམངས་ལ་རིགས་སོ་སོའི་ཐོན་སྐྱེད་འཚོ་བའི་ཁྲོད་ཀྱི་བདེ་འཇགས་མངོན་མེད་རྐྱེན་ངན་གྱི་འབྱུང་རྐྱེན་དང་། དབྱེ་འབྱེད་ངོས་འཛིན་བྱེད་སྟངས། ཐག་གཅོད་བྱེད་ཐབས་སོགས་དྲིལ་བསྒྲགས་ཁྱབ་གདལ་དུ་བཏང་སྟེ། བདེ་འཇགས་དོགས་ཟོན་གྱི་ལན་སློག་ནུས་པ་ཇེ་མཐོར་བཏང་བ་དང་། དམངས་ཡོངས་ཀྱི་བདེ་འཇགས་ཉེན་ཁའི་འདུ་ཤེས་དང་གནོད་འགོག་གནོད་སེལ། རྒུད་སྐྱོབ་ཐག་གཅོད་ནུས་པ་གང་ནུས་སྒོས་ཆེ་རུ་བཏང་ཡོད།
(ཟླ་བ་གཡང་སྐྱིད་ཀྱིས་བསྒྱུར)