འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ4པའི་ཚེས17ཉིན་གྱི་ཕྱི་དྲོར། གྲོང་ཨུད་ཀྱི་ཧྲུའུ་ཅི་གཞོན་པ་ཧྲེ་ཀྲང་ལའོ་ཆིན་འུའུ་ཡིས་གྲོང་ཁྱེར་སྲིད་གཞུང་གི་ཏང་ཙུའི་རིགས་པའི་གཞུང་ལུགས་སློབ་སྦྱོང་ཚོགས་འདུ་དང་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གཙོ་སྐྱོང་གནང་ནས་ཏང་གི་སྤྱོད་ཚུལ་འཛུགས་སྐྱོང་དང་ཏང་གི་རང་ངོས་གསར་བརྗེའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལ་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། རང་སྐྱོང་ལྗོངས་ཏང་ཨུད་ཀྱི་སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་སྔར་བས་བྱེད་པའི་ལས་དོན་སྐུལ་སྤེལ་ཚོགས་འདུ་དང་གྲོང་ཨུད་ཀྱི་སྐབས་གཉིས་པའི་ཚང་འཛོམས་གྲོས་ཚོགས་ཐེངས་བཅུ་བཞི་པའི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱས་པ་རེད།

ཚོགས་འདུའི་ཐོག་གྲོང་ཁྱེར་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་འབྲེལ་ཡོད་འགན་འཁུར་བློ་མཐུན་གྱིས“ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་སྤེལ་ཏེ། ཏང་སྲོལ་སྲིད་སྲོལ་རྒྱུན་མཐུད་ངང་ལེགས་པའི་ཕྱོགས་སུ་སྐུལ་སྤེལ་གཏོང་དགོས”ཅེས་པ་བརྗོད་དོན་གཙོ་བོར་བཟུང་ནས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལ་སློབ་སྦྱོང་བྱེད་པའི་དོན་སྙིང་གལ་ཆེན་དང་། ཀྲུང་དབྱང་གི་གཏན་འབེབས་དོན་ཚན་བརྒྱད་དང་བོད་རང་སྐྱོང་ལྗོངས་ཀྱི་ལག་བསྟར་བྱ་ཐབས། ཀྲུང་དབྱང་གི་གཏན་འབེབས་དོན་ཚན་བརྒྱད་དང་འགལ་བའི་ཞིབ་ཕྲའི་རྣམ་པ་སོགས་ཕྱོགས་གསུམ་གྱི་ཐད་ཟུར་ཁྲིད་སྙན་ཞུ་གནང་ཡོད།

ལའོ་ཆིན་འུའུ་ཡིས་གཅིག་ནས་དམངས་འཚོའི་བདེ་སྐྱིད་ཆེ་རུ་གཏོང་དགོས། ཕྱོགས་ཡོངས་ནས་གྲོང་གསེབ་དར་རྒྱས་ཡོང་བར་བྱེད་པ་དང་། དམངས་འཚོའི་བྱ་བ་དངོས་ཁག་28དོན་འཁྱོལ་ཡག་པོ་བྱེད་པ། སློབ་ཆེན་སློབ་མའི་ལས་ཞུགས་ལས་གཏོད་ལ་ཚད་མཐོའི་མཐོང་ཆེན་བྱེད་པ། ཞིང་འབྲོག་མང་ཚོགས་ཀྱི་ཡོང་འབབ་ཐབས་བརྒྱ་ཇུས་སྟོང་ངང་མང་དུ་གཏོང་བ། མང་ཚོགས་ཉེ་འགྲམ་གྱི་“ཟ་འགུམ་གྱི་གནོད་པ”དང་ཚུལ་མིན་སྤྱོད་ཚུལ་ལ་བཅོས་སྒྲིག་དང་ཆད་གཅོད་མཐའ་གཅིག་ཏུ་བཅས་བྱེད་དགོས། གཉིས་ནས་སྒོ་དབྱེའི་སློབ་གསོ་མཐའ་འཁྱོངས་བྱེད་དགོས། མང་ཚོགས་ཀྱི་བསམ་འཆར་དང་གྲོས་འགོ་རྒྱ་ཁྱབ་ངང་བསྡུ་ལེན་བྱེད་པ་དང་། མང་ཚོགས་ཀྱི་རེ་ཞུ་ཐབས་ལམ་ཤར་གཏོང་བྱེད་པ། མང་ཚོགས་ཀྱིས་བཏོན་པའི་གནད་དོན་ལ་དབྱེ་ཞིབ་བྱེད་པ། གནད་དོན་གསལ་ཐོ་བཟོ་བ་བཅས་བྱས་ཏེ་མགྱོགས་མྱུར་ཡོ་བསྲང་དང་ལམ་སང་ལག་བསྟར་བཅོས་སྒྲིག་ཐུབ་པ་བྱེད་དགོས། གསུམ་ནས་བརྟག་དཔྱད་ཞིབ་འཇུག་བྱེད་ཤུགས་ཆེ་རུ་གཏོང་བ་དང་།“གཞི་རིམ་དུ་སྐྱོད་པ་བཞིའི་”སྲོལ་རྒྱུན་བཟང་པོ་དར་སྤེལ་བཏང་སྟེ་གནས་ཚུལ་རྙོག་འཛིང་ཆེ་ལ་མང་ཚོགས་ལ་བསམ་འཆར་མང་བ། ལས་ཀའི་རྣམ་པ་གསར་གཏོད་མི་ཐུབ་པ་བཅས་ཀྱི་སྒོ་ནས་དོན་དངོས་དང་མཐུན་པའི་ལས་ཀའི་བསམ་ཕྱོགས་འདོན་པ་དང་ལས་དོན་དོན་འཁྱོལ་ལ་སྐུལ་འདེད་དེ་བས་ལེགས་པ་གཏོང་དགོས་ཞེས་ནན་བཤད་གནང་བ་རེད།

(ཟླ་བ་གཡང་སྐྱིད་ཀྱིས་བསྒྱུར)