འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཟླ4པའི་ཚེས16ཉིན་གྲོང་ཨུད་ཀྱི་ཧྲུའུ་ཅི་ཀྲོང་ཅིན་སུང་གིས་གྲོང་ཨུད་རྒྱུན་ལས་ཨུ་ལྷན་གྱི་ཚོགས་འདུ་གཙོ་སྐྱོང་གནང་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་ཀྲུང་དབྱང་གི་འབྲེལ་ཡོད་ཡིག་ཆ་དང་ཧྲུའུ་ཅི་ཝང་ཅོན་ཀྲེང་གི་གསུང་བཤད་དགོངས་དོན་བཅས་བརྒྱུད་བསྒྲགས་དང་སློབ་སྦྱོང་བྱས་པ་དང་། འབྲེལ་ཡོད་ལས་དོན་སྙན་སེང་ལ་གསན་པ། འབྲེལ་ཡོད་ལས་དོན་ལ་ཞིབ་འཇུག་དང་བཀོད་སྒྲིག་བཅས་བྱས་ཡོད།

ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་གི་མཐའ་འཁོར་ལས་དོན་ཚོགས་འདུ་དང་རྒྱལ་སའི་འོས་འགན་ཤིང་འཛུགས་བྱེད་སྒོར་ཞུགས་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་བཅས་བརྒྱུད་བསྒྲགས་དང་སློབ་སྦྱོང་བྱས་པ་རེད། ཀྲོང་ཅིན་སུང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ནང་“མཐའ་འཁོར་ལས་དབང་གཅིག་མཐུན་ཚོགས་པ་འཛུགས་པའི”འཕེལ་རྒྱས་ཐབས་ཇུས་ལ་དགོངས་པ་ཟབ་བཞེས་ཀྱིས་ཁྱབ་ཡོད་པ་དང་སྐྱེ་ཁམས་ཤེས་དཔལ་འཛུགས་སྐྱོང་ལ་གཏན་གྱི་འཆར་འགོད་བྱས་པ་མངོན་ཡོད་པས། དེར་ཆབ་སྲིད་ཀྱི་རང་བཞིན་དང་བསམ་བློའི་རང་བཞིན། མ་ལག་གི་རང་བཞིན། མཛུབ་སྟོན་གྱི་རང་བཞིན་བཅས་ཆེན་པོ་ལྡན་པར་བརྟེན། ང་ཚོས་ལས་དོན་ཁག་ཡག་པོ་སྒྲུབ་པར་མདུན་སྐྱོད་ཀྱི་ཁ་ཕྱོགས་གསལ་སྟོན་དང་རྩ་བའི་གཞི་འཛིན་ས་མཁོ་འདོན་བྱས་ཡོད་ཅེས་བསྟན།

ཚོགས་འདུའི་ཐོག《རྒྱལ་ཡོངས་ཏང་ཡོན་གྱི་སློབ་གསོ་གསོ་སྦྱོང་གི་ལས་དོན་འཆར་འགོད（2024ལོ་ནས་2028ལོའི་བར）》དགོངས་དོན་དང་། ཧྲུའུ་ཅི་ཝང་ཅོན་ཀྲེང་གིས་རང་སྐྱོང་ལྗོངས་ཏང་ཨུད་ཀྱི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་དང་རང་སྐྱོང་ལྗོངས་ཏང་ཨུད་ཏང་གི་སློབ་གྲྭར་བརྟག་ཞིབ་གནང་སྐབས་ཀྱི་གསུང་བཤད་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། གྲོང་ཁྱེར་ཡོངས་ཀྱི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་ལས་དོན་གནས་ཚུལ་སྙན་སེང་ལ་གསན་པ་རེད། ཀྲོང་ཅིན་སུང་གིས་སློབ་སྦྱོང་སློབ་གསོར་དམ་འཛིན་བྱེད་དགོས་ཤིང་། ཏང་གི་སྤྱོད་ཚུལ་འཛུགས་སྐྱོང་ལ་ཤུགས་སྣོན་རྒྱག་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེ་བཞིན་དེའི་ལག་བསྟར་ཞིབ་སྲོལ་གྱི་དགོངས་དོན་ལ་སློབ་སྦྱོང་གཏིང་ཟབ་བྱས་ཏེ། སེམས་ལ་ཟུག་པ་བྱེད་པར་འགན་ལེན་བྱེད་པ་དང་། སློབ་སྦྱོང་སློབ་གསོ་ཏན་ཏིག་གི་ཐོག་ནས་སྤྱོད་ཚུལ་འཛུགས་སྐྱོང་རྒྱུན་རྣམ་དང་ཕུགས་ཕན་ཡོང་བར་སྐུལ་སྤེལ་གཏོང་དགོས། ལྟ་བསྡུར་ཞིབ་བཤེར་ལ་དམ་འཛིན་བྱེད་དགོས་ཤིང་། མངོན་གསལ་ཆེ་བའི་གནད་དོན་བཤེར་འདོན་དང་གནད་དོན་ཐག་གཅོད་པའི་བྱ་ཐབས་དང་ཐབས་ལམ་འཚོལ་ཞིབ་བཅས་བྱས་ཏེ། གནད་དོན་ཁག་དག་ཐེར་དམིགས་སར་འབྱོར་བ་དང་ཕན་འབྲས་ཐོན་པར་འགན་ལེན་ཐུབ་ནས་མང་ཚོགས་ཀྱིས་སྤྱོད་ཚུལ་ལེགས་སྒྱུར་དང་གོམས་སྲོལ་གསར་པ་འཛུགས་པ་ལས་ཐོབ་པའི་རྣམ་པ་གསར་པ་དང་འགྱུར་ལྡོག་གསར་པ་མཐོང་ཐུབ་པ་བྱེད་དགོས། ལས་དོན་དོན་འཁྱོལ་ལ་དམ་འཛིན་བྱེད་དགོས་ཤིང་། སློབ་སྦྱོང་ལ་བརྟེན་ནས་ལས་ལ་བརྩོན་པ་དང་། བསམ་པ་ལ་བརྟེན་ནས་སྦྱོར་བ་རྩོམ་པ། བསམ་སྦྱོར་གཅིག་མཐུན། དུས་ཐོག་ཕྱོགས་བསྡོམས། ཆུ་ཚད་མཐོར་འདེགས་ཡོང་བ་བཅས་བྱས་ཏེ་སྤུས་ཚད་མཐོ་བའི་སྒོ་ནས་གཏན་འཁེལ་བྱས་པའི་ལས་དོན་དམིགས་ཚད་དང་གྲོང་ཨུད་ཀྱི་ལས་དོན་བླང་བྱ་ལེགས་གྲུབ་བྱེད་དགོས། ཏང་གི་སློབ་གྲྭའི་ལས་དོན་ལ་དམ་འཛིན་བྱེད་དགོས་ཤིང་།“དམར་མདངས་ཆབ་མདོའི”དུས་རབས་ཀྱི་ནང་དོན་གསར་པ་ཁོང་དུ་ཆུད་པར་བྱས་ཏེ། ཚན་རིག་ལྟར་བརྗོད་དོན་གཙོ་བོའི་འཛིན་གྲྭ་བཀོད་སྒྲིག་དང་། ཞིབ་ཚགས་ཀྱིས་གསར་བརྗེའི་ཞིབ་འཇུག་སློབ་སྦྱོང་གི་ལམ་ཕྱོགས་སྒྲིག་པ། སློབ་སྒྲུབ་སློབ་སྐྱོང་གི་ཆུ་ཚད་རྒྱུན་ཆད་མེད་པར་ཆེ་རུ་གཏོང་བ་བཅས་བྱས་ནས་མི་རིགས་ས་ཁུལ་གྱི་ལས་བྱེད་པའི་གསར་བརྗེའི་སློབ་གསོའི་གསབ་སྦྱོང་རྟེན་གཞི་ཞིག་ཧུར་ཐག་གཏོད་དགོས་པའི་ནན་བཤད་གནང་ཡོད།

(དཔལ་ཐར་རྒྱལ་གྱིས་བསྒྱུར)