འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ3པའི་ཚེས24ཉིན་གྱི་ཕྱི་དྲོར། གྲོང་ཨུད་ཀྱི་ཧྲུའུ་ཅི་ཀྲོང་ཅིན་སུང་གིས་ཀྲུང་གོ་ལྕགས་ལམ་ཚན་རིག་ཞིབ་འཇུག་གླིང་ཚོགས་པ་ཚད་ཡོད་ཀུང་སིའི་སྤྱི་ཁྱབ་ཅིང་ལི་ཏང་ཨུད་ཧྲུའུ་ཅི་གཞོན་པ་ཀའོ་ཧུང་པིང་དང་བཞུགས་མོལ་གནང་བ་རེད།

ཀྲོང་ཅིན་སུང་གིས་གྲོང་ཨུད་དང་གྲོང་ཁྱེར་སྲིད་གཞུང་གི་ཚབ་ཞུས་ནས་ཀའོ་ཧུང་པིང་དང་བཅས་པ་དགའ་བསུ་ཞུས་པ་དང་། ཀྲུང་གོ་ལྕགས་ལམ་ཚན་རིག་ཞིབ་འཇུག་གླིང་ཚོགས་པ་ཚད་ཡོད་ཀུང་སིས་ཆབ་མདོར་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་རེད། ཁོང་གིས་ཆབ་མདོ་གྲོང་ཨུད་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་འཛིན་རྒྱུ་རྒྱུན་འཁྱོངས་དང་། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་གཏིང་ཟབ། རང་སྐྱོང་ལྗོངས་ཏང་ཨུད་ཀྱི“འཛུགས་གཏོད་བཞི”དང་“མདུན་གྲལ་སླེབས་པ་བཞིའི”འཐབ་ཇུས་དམིགས་ཚད་ཀྱི་མཛུབ་སྟོན་འོག དཔའ་ངར་ཆེན་པོས“འཛུགས་གཏོད་བཞི”དང་“མདུན་གྲལ་སླེབས་པ་བཞིའི”སྔོན་སྐྱོད་རུ་ཁག་དང་གདོང་ལེན་དམག་མི་ཞིག་བརྩོན་ལེན་བྱེད་པའི་འབོད་སྐུལ་བཏང་བ་དང་།

“ཡོད་ཚད་ཁ་ཤར་ཕྱོགས་སུ་གཏད་དེ། ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་སྣེ་ཁྲིད་པའི་དཔེ་སྟོན་གྲོང་ཁྱེར་ཞིག་བསྐྲུན་རྒྱུའི”ལས་ཀའི་དམིགས་ཚད་ཁ་གསལ་བཏོན་ནས་ནུས་ཤུགས་ཡོད་རྒུས་ནུས་རྒྱུ་གཙང་མ་དང་། ལྗང་མདོག་གཏེར་ལས། རིག་གནས་ཡུལ་སྐོར་ཐོན་ལས། ＋གནམ་ས་གཞི་གཅིག་ཅན་གྱི་འགྲིམ་འགྲུལ་ལྟེ་གནས＋ཞིང་འབྲོག་ལས་ཀྱི“3＋1＋1”ལས་འགན་ལ་སྐུལ་འདེད་བཏང་སྟེ། བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་འགྲོ་བར་ཞབས་ཞུ་དང་། འགན་ལེན། འདེགས་སྐྱོར་བྱེད་བཞིན་ཡོད་ཅེས་གསུངས།

ཀྲོང་ཅིན་སུང་གིས་ཆབ་མདོ་ནི་འཕྲེད་རྒྱུག་རི་རྒྱུད་ཀྱི་ལྟེ་བའི་ཁུལ་དུ་གནས་ཡོད་པས་ས་ཁམས་ཀྱི་ཁྱད་ཆོས་དང་། རང་བྱུང་གི་ཐོན་ཁུངས་འཛོམས་རྐྱེན་དེ་ནི་ཁམས་པའི་རིག་གནས་ཀྱི་ལྟེ་གནས་ཁུལ་ཡིན་ལ། བོད་དང་། སི་ཁྲོན། ཡུན་ནན། མཚོ་སྔོན་བཅས་ཀྱི་འགྲིམ་འགྲུལ་ལྟེ་གནས་ཀྱང་ཡིན། ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཀྱི་བྱ་གཞག་ཁག་མགྱོགས་ལ་བརྟན་པས་ཁེ་ལས་ཀྱིས་ཆབ་མདོར་ཡོང་ནས་འཕེལ་རྒྱས་དང་མ་འཇོག་ལས་དར་ཡོང་བར་གོ་སྐབས་བཟང་པོ་གཏོད་ཡོད། ཀྲུང་གོ་ལྕགས་ལམ་ཚན་རིག་ཞིབ་འཇུག་གླིང་ཚོགས་པ་ཚད་ཡོད་ཀུང་སིས་ཕུག་ལམ་དང་། ས་གཤིས། བྲག་རྡོ། ཟམ་གདུང་སོགས་ཆེད་ལས་ཁྱབ་ཁོངས་ཀྱི་ཚན་ཞིབ་དང་། བློ་འདྲི། རྩད་ཞིབ་དང་དམིགས་བསལ་གྱི་ལས་གྲྭའི་ཨར་ལས་བཅས་ལ་འབད་བརྩོན་བྱེད་བཞིན་ཡོད་པས། ཕྱོགས་གཉིས་ཀྱི་མཉམ་ལས་ལ་མདུན་ལམ་ཧ་ཅང་ཆེན་པོ་ལྡན་ཡོད། ཀྲུང་གོ་ལྕགས་ལམ་ཚན་རིག་ཞིབ་འཇུག་གླིང་ཚོགས་པ་ཚད་ཡོད་ཀུང་སིས་སྔོན་མ་ནང་བཞིན་ཆབ་མདོའི་ལས་དོན་ལ་ཐུགས་ཁུར་དང་། མཉམ་ལས་སྤེལ་རེས་ལ་ཤུགས་སྣོན། མཉམ་ལས་ཀྱི་རྨང་གཞི་བརྟན་གཏོང་བཅས་བྱས་ཏེ། རིག་དངོས་སྲུང་སྐྱོབ་དང་། ཁོར་ཡུག་སྲུང་སྐྱོབ། གྲོང་གསེབ་དར་རྒྱས། ས་གཤིས་ཞིབ་འཇུག ཤེས་ལྡན་པ་གསོ་སྐྱོང་སོགས་ཀྱི་ཁྱབ་ཁོངས་ལ་རྒྱབ་སྐྱོར་མང་ཙམ་བྱེད་པ་དང་། མཉམ་ལས་གཏིང་ཟབ་འཚོལ་ཞིབ་ཀྱིས་ཆབ་མདོའི་ཐོན་ཁུངས་ལེགས་ཆ་དེ་བཞུར་ཚད་ཀྱི་ལེགས་ཆ་དང་། དཔལ་འབྱོར་གྱི་ལེགས་ཆ། འཕེལ་རྒྱས་ཀྱི་ལེགས་ཆ་བཅས་སུ་འགྱུར་བར་བྱས་ཏེ་སྤུས་ཚད་མཐོ་བའི་མཉམ་ལས་ཕན་འབྲས་ཀྱི་ཐོག་ནས་ཕྱོགས་གཉིས་ཐུན་མོང་ཐོག་འཕེལ་རྒྱས་དང་ཐུན་མོང་ཐོག་ཡར་ཐོན་ཡོང་བར་སྐུལ་སྤེལ་གཏོང་རྒྱུའི་རེ་བ་ཡོད་ཅེས་ནན་བཤད་གནང་ཡོད།

ཀའོ་ཧུང་པིང་གིས་ཆབ་མདོ་གྲོང་ཨུད་དང་གྲོང་ཁྱེར་སྲིད་གཞུང་གིས་ཁེ་ལས་ཀྱི་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་མ་ཟད་ཀུང་ཟིའི་འཕེལ་རྒྱས་དང་ཁྲོམ་ར་གསར་པ། ལས་སྒོ་གསར་པ་བཅས་རྒྱ་སྐྱེད་ཚུལ་ངོ་སྤྲོད་མདོར་བསྡུས་ཞུས་ཡོད།