འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ3པའི་ཚེས24ཉིན་གྱི་སྔ་དྲོར། གྲོང་ཨུད་ཀྱི་ཧྲུའུ་ཅི་ཀྲོང་ཅིན་སུང་གིས་གྲོང་ཨུད་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་ཆེད་དོན་སློབ་སྦྱོང་ཚོགས་འདུ་གཙོ་སྐྱོང་གནང་ཞིང་། ཁོང་གིས་ཞི་ཅིན་ཕིང་གི་དཔལ་འབྱོར་དགོངས་པ་ལ་སློབ་སྦྱོང་ལག་བསྟར་གཏིང་ཟབ་བྱེད་པ་དང་། ཐོན་སྐྱེད་ནུས་ཤུགས་གསར་མ་དང་མིས་བཟོས་རིག་ནུས་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལ་སློབ་སྦྱོང་ལག་བསྟར་བྱེད་པ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་རང་སྐྱོང་ལྗོངས་ཏང་ཨུད་ཀྱི་ལས་ཀའི་བླང་བྱ་ལག་བསྟར་དོན་འཁྱོལ་བཅས་བྱས་ཏེ། གྲངས་འཛིན་ཆབ་མདོ་འཛུགས་སྐྱོང་ལ་ཏན་ཏིག་སྐུལ་འདེད་གཏོང་བ་དང་། ཐོན་སྐྱེད་ནུས་ཤུགས་གསར་མའི་སྐྱེད་སྲིང་ཇེ་མགྱོགས་སུ་བཏང་ནས་དཔའ་ངར་ཆེན་པོས“འཛུགས་གཏོད་བཞི”དང་“མདུན་གྲལ་སླེབས་པ་བཞིའི”སྔོན་སྐྱོད་རུ་ཁག་དང་གདོང་ལེན་དམག་མི་ཞིག་བརྩོན་ལེན་བྱེད་པ་དང་“ཡོད་ཚད་ཁ་ཤར་ཕྱོགས་སུ་གཏད་དེ། ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་སྣེ་ཁྲིད་པའི་དཔེ་སྟོན་གྲོང་ཁྱེར་ཞིག་བསྐྲུན་རྒྱུའི”ལས་ཀའི་དམིགས་ཚད་མངོན་འགྱུར་ཡོང་ཆེད་འདེགས་སྐྱོར་མཁོ་འདོན་བྱེད་དགོས་པའི་ནན་བཤད་གནང་ཡོད།

སློབ་སྦྱོང་ཚོགས་འདུའི་ཐོག་ཧར་པིན་བཟོ་ལས་སློབ་ཆེན་གྱི་དགེ་རྒན་ཆེ་མོ་བ་ཁྲེ་ཝན་ཤང་གིས་བརྙན་ལམ་ནསDeepSeekསྐོར་ནས་ཆེད་དོན་ཟུར་ཁྲིད་བྱས་ཡོད།

ཝེ་ཤིན་ཀུའེ་དང་། ཀྲང་ཅན་ཧྭ། ཅཱ་ཤིན་ཡུས་བཅས་ཀྱིས་སྤེལ་རེས་གཏམ་བཤད་གནང་བ་དང་། ལིས་གོ་ཅན་དང་། དངོས་གྲུབ་ཟླ་བ། ཀྲའོ་པིང་། ཝུའུ་དབྱིང་ཧའེ། ཝང་ཧྲི་ཡུས། ཅེ་ཝུན་ཀོང་བཅས་སློབ་སྦྱོང་ཚོགས་འདུ་ཞུགས་ཡོད།

ཀྲོང་ཅིན་སུང་གིས་ཏང་གི་ཚོགས་ཆེན་བཅོ་བརྒྱད་པའི་ཚུན་དུ་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་དུས་རབས་གསར་པའི་མིས་བཟོས་རིག་ནུས་འཕེལ་རྒྱས་ཐད་ལ་ཚད་མཐོའི་མཐོང་ཆེན་གནང་བ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་འཛམ་གླིང་ཚན་རྩལ་འཕེལ་རྒྱས་ཀྱི་གནས་བབ་ཆེན་པོ་ཁོང་དུ་ཆུད་པར་བྱས་ཏེ་ཚན་རིག་དང་མཐུན་པའི་སྒོ་ནས་མིས་བཟོས་རིག་ནུས་ནི་གང་ཡིན་པ་དང་། ཅིའི་ཕྱིར་ཡིན་པ། ཅི་ལྟར་སྒྲུབ་དགོས་པ་སོགས་ཀྱི་རབ་དང་རིམ་པའི་གཞུང་ལུགས་གལ་ཆེན་དང་ལག་ལེན་གནད་དོན་ལ་ལན་བསྐྱོན་པ་དང་། དེས་ང་ཚོའི་ལས་དོན་ཡག་པོ་སྒྲུབ་པར་མདུན་སྐྱོད་ཀྱི་ཁ་ཕྱོགས་གསལ་སྟོན་བྱས་ཡོད། ཧྲུའུ་ཅི་ཝང་ཅོན་ཀྲེང་གིས་ལྗོངས་ཡོངས་ཀྱི་རིམ་ཁག་ཏང་ཨུད་དང་སྲིད་གཞུང་གིས་དམངས་ཡོངས་ཀྱི་གྲངས་འཛིན་བྱང་ཚད་དང་རྩལ་ནུས་འཕེལ་རྒྱས་ཀྱི་ལས་དོན་དེ་འོས་འགན་ཞིག་ཏུ་བརྩིས་ནས་དམ་འཛིན་བྱེད་དགོས་པའི་བླང་བྱ་བཏོན་པ་དེས། ང་ཚོས་5Gདང་། གྲངས་གཞི་ཆེ་མོ། སྤྲིན་རྩིས་གཞི་གྲངས་ཆེན་མོ། མིས་བཟོས་རིག་ནུས་སོགས་ཀྱི་ཁྱབ་ཁོངས་ལས་དོན་སྒྲུབ་པ་དང་། ཐོན་སྐྱེད་ནུས་ཤུགས་གསར་མ་སྐྱེད་བསྲིང་དང་འཕེལ་རྒྱས། གྲངས་གཞིའི་ཆབ་མདོ་གཏོད་པར་བླང་བྱ་ཁ་གསལ་བཏོན་ཡོད་ཅེས་བསྟན།

ཀྲོང་ཅིན་སུང་གིས་མིས་བཟོས་རིག་ནུས་འཐུས་ཚབ་བྱས་པའི་གྲངས་འཛིན་དཔལ་འབྱོར་འཕེལ་རྒྱས་གཏོང་རྒྱུ་ནི་རེས་སྐོར་གསར་པའི་ཚན་རྩལ་སྒྱུར་བཅོས་དང་ཐོན་ལས་འཕོ་འགྱུར་གྱི་གོ་སྐབས་གསར་པ་ཁོང་དུ་ཆུད་པར་བྱེད་པའི་ཐབས་ཇུས་ཀྱི་གདམས་གསེས་ཤིག་ཡིན་ལ། དེས་ཆབ་མདོའི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་བར་དོན་སྙིང་གལ་ཆེན་ལྡན་ཡོད། གྲོང་ཁྱེར་ཡོངས་ཀྱི་རིམ་པ་ཁག་དང་ཚན་པ་ཁག་གིས་མིས་བཟོས་རིག་ནུས་འཕེལ་རྒྱས་གཏོང་བའི་ལོ་རྒྱུས་རང་བཞིན་གྱི་གོ་སྐབས་དམ་འཛིན་བྱས་ཏེ། གྲངས་གཞིའི་ལག་རྩལ་དང་དངོས་ཚན་དཔལ་འབྱོར་མཉམ་འདྲེས་གཏིང་ཟབ་བྱ་རྒྱུར་སྐུལ་འདེད་གཏོང་བ་དང་སྲོལ་རྒྱུན་ཐོན་ལས་ཕྱོགས་སྒྱུར་རིམ་སྤོར་ལ་སྐུལ་འདེད་གཏང་ནས་ཐོན་ལས་གསར་པ་དང་ལས་རྣམ་གསར་པ་འཕེལ་བ་བྱེད་པ་དང་རང་རེའི་གྲོང་ཁྱེར་གྱི་གྲངས་འཛིན་དཔལ་འབྱོར་ཟམ་མི་ཆད་པར་སྟོབས་ཆེར་གཏོང་ནས་ཆབ་མདོ་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཆེད་སྒུལ་ཤུགས་ཆེན་པོ་མཁོ་འདོན་བྱེད་དགོས་ཞེས་ནན་བཤད་གནང་ཡོད།

ཀྲོང་ཅིན་སུང་གིས་“དོན་ཆེན་བཞི་ལ་”དམ་པོར་དམིགས་པ་དང་“འཛུགས་གཏོད་བཞིར་”སེམས་ནུས་གཅིག་ཏུ་སྒྲིལ་ནས་“ཡོད་ཚད་ཁ་ཤར་ཕྱོགས་སུ་གཏད་དེ། ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཀྱི་སྣེ་ཁྲིད་དཔེ་སྟོན་གྲོང་ཁྱེར་ཞིག་བསྐྲུན་རྒྱུའི”ལས་ཀའི་དམིགས་ཚད་ལ་དམ་པོར་དམིགས་པ་དང་། སྤྱི་ཡོངས་ཀྱི་དགོས་མཁོ་དང་། ཆབ་མདོའི་ནུས་པ། མང་ཚོགས་ཀྱི་རེ་སྒུག མ་འོང་གི་རེ་བ་བཅས་ལ་ཟུང་འབྲེལ་བྱེད་ཅིང་། དུས་རྟོགས་བབ་བསྟུན་དང་། ཁྱོན་ཡོངས་ལ་བསམ་བློ་གཏོང་བ། ཇུས་འགོད་ལ་དམ་འཛིན། སྐུལ་འདེད་ཏན་ཏིག་གཏོང་བ་བཅས་བྱེད་ནས་“མི་ཐབས་རིག་ནུས་”ལ་བརྟེན་ཏེ་ཐོན་ལས་ཕྱོགས་སྒྱུར་རིམ་སྤོར་ལ་རམ་འདེགས་བྱེད་པ་དང་། དམངས་འཚོ་འགན་ལེན་དང་ལེགས་གཏོང་། སྲིད་དོན་ཞབས་ཞུ་ལེགས་གཏོང་། བཅོས་སྐྱོང་བྱེད་ནུས་ཆེ་རུ་གཏོང་བ་བཅས་བྱེད་ནས་མིས་བཟོས་རིག་ནུས་ཀྱི་གྲུབ་འབྲས་དེ་ས་ཁོངས་གཅིག་ཏུ་འགྱུར་བ་དང་དེ་བས་ཁྱོན་ཡོངས་ལ་བཀྲག་མདངས་སྣོན་དགོས་ཞེས་ནན་བཤད་གནང་ཡོད།

ཀྲོང་ཅིན་སུང་གིས་རྩ་འཛུགས་ཀྱི་འགོ་ཁྲིད་ལ་ཤུགས་སྣོན་བརྒྱབ་སྟེ་མིས་བཟོས་རིག་ནུས་བེད་སྤྱོད་གཏོང་རྒྱུ་དེ་གསར་གཏོད་ལས་དོན་ཞིག་ལ་བརྩིས་ནས་འཆར་འགོད་ཁྲིད་སྟོན་མཐའ་འཁྱོངས་དང་སྤྱི་འདོམས་མཐུན་སྦྱོར་ལ་ཤུགས་སྣོན་བརྒྱབ་སྟེ་མིས་བཟོས་རིག་ནུས་ཆབ་མདོ་ལ་སྤྱོད་རྒྱུར་མཐུན་རྐྱེན་བཟང་པོ་བསྐྲུན་དགོས་པ་དང་། རིགས་གཞུང་སློབ་སྦྱོང་ལ་ཤུགས་སྣོན་བརྒྱབ་སྟེ་མི་ཐབས་རིག་ནུས་བེད་སྤྱད་དེ་ལས་དོན་ལ་སྐུལ་འདེད་གཏོང་བའི་ཚན་རྩལ་གྱི་བསམ་གཞིག་དང་ཆེད་ལས་ཀྱི་ནུས་པ་ཆེ་རུ་བཏང་སྟེ་མི་ཐབས་རིག་ནུས་ཀྱི་དུས་རབས་འཕེལ་རྒྱས་ཀྱི་དགོས་མཁོ་དང་དེ་བས་ལེགས་པའི་ངང་འཚམ་པ་བྱེད་དགོས་ལ། དཔུང་ཁག་འཛུགས་སྐྱོང་ལ་ཤུགས་སྣོན་བརྒྱབ་ནས་“གསོ་སྐྱོང་དང་ནང་འདྲེན། བེད་སྤྱོད། གནས་སྡོས་ཐུབ་པ་བཅས་”ལས་གཞི་ཆེན་པོ་བཞི་ལག་ལེན་ཤུགས་ཆེན་བསྟར་ཏེ་ཆེད་ལས་ཀྱི་ཤེས་ལྡན་མི་སྣ་ནང་འདྲེན་དང་སྐུལ་སློང་གསོ་སྐྱོང་བྱེད་ཤུགས་ཆེ་རུ་གཏོང་ནས་མི་ཐབས་རིག་ནུས་འཕེལ་རྒྱས་གཏོང་ཆེད་ཤེས་ལྡན་མི་སྣའི་འདེགས་སྐྱོར་བྱེད་དགོས་པའི་ནན་བཤད་གནང་ཡོད།