འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་3ཚེས་5ཉིན། ལེ་ཧྥུང་ལ་སློབ་སྦྱོང་བྱེད་པའི་དྲན་གསོའི་ཉིན་མོ་ཐེངས་62པ་འཆར་ཉེའི་མཚམས་སུ། ངེད་གྲོང་ཁྱེར་གྱི་ཚན་པ་ཁག་གིས“ལེ་ཧྥུང་ལ་སློབ་སྦྱོང་བྱེད་པའི”བརྗོད་དོན་གཙོ་བོའི་བྱེད་སྒོ་སྣ་ཚོགས་སྤེལ་ནས་ལེ་ཧྥུང་ལ་སློབ་སྦྱོང་དང་། བཟང་བཀུར་དགེ་ཕྱོགས། གདོང་ལེན་པ་བརྩོན་ལེན་བཅས་ཀྱི་རྣམ་པ་ཟབ་མོ་ཞིག་བཏོད་ཡོད།

ཟླ་3ཚེས་5ཉིན་གྱི་སྔ་དྲོའི་ཆུ་ཚོད་10པར། ཆབ་མདོ་གྲོང་ཁྱེར་མུ་ཏིག་སྤྱི་གླིང་དུ་ཆབ་མདོ་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག“མེ་ལྕེ་སྔོན་པོ”དང་བླངས་ཞབས་ཞུ་རུ་ཁག་གི་བཀོད་འཐབ་པས་ལུས་ལ་ལས་གོས་མནབས་ཤིང་གཙང་སྦྲའི་ཡོ་བྱད་ཁྱེར་ནས་དང་བླངས་ཞབས་ཞུའི་བྱ་སྤྱོད་སྤེལ་ཏེ་ལས་འགོ་བསྐྱར་འཛུགས་ཀྱི་ཉིན་དང་པོ་འགོ་ཚུགས་པ་རེད། དང་བླངས་པ་ཡོངས་ཀྱིས་ཁུག་ཀྱོག་ཚང་མའི་གད་སྙིགས་གཙང་སེལ་བྱས་ཏེ་མུ་ཏིག་སྤྱི་གླིང་གསར་རྐྱང་དུ་འགྱུར་བར་བྱས་ནས་གྲོང་མིར་དེ་བས་གཙང་ཞིང་མཛེས་སྡུག་ལྡན་པའི་སྤྲོ་གསེང་ཁོར་ཡུག་ཅིག་བསྐྲུན་པ་རེད།