འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ11ཚེས5ཉིན་གྱི་དགོང་མོར།གྲོང་ཁྱེར་དང་རྫོང་མི་དམངས་སྲིད་གཞུང་གི་གང་བསམ་ལྷུག་བརྗོད་བྱེད་པའི་ཚོགས་འདུ་འཚོགས་ཤིང་། གྲོང་ཨུད་ཀྱི་ཧྲུའུ་ཅི་གཞོན་པ་ཧྲི་ཀྲང་ལའོ་ཆིན་འུའུ་ཚོགས་འདུར་ཕེབས་པ་མ་ཟད་གསུང་བཤད་ཀྱང་གནང་ཡོད། གྲོང་ཨུད་ཀྱི་ཧྲུའུ་ཅི་གཞོན་པ་རྒྱུན་ལས་ཧྲི་ཀྲང་གཞོན་པ་ཝུའེ་ཤིན་ཀུའེ་ཡིས་ཚོགས་འདུ་གཙོ་སྐྱོང་ཞུས་པ་དང་། གྲོང་ཨུད་ཀྱི་ཧྲུའུ་ཅི་གཞོན་པ་རྒྱུན་ལས་ཧྲི་ཀྲང་གཞོན་པ་ཀྲང་ཅན་ཧྭ་ཚོགས་འདུ་ཞུགས་ཡོད་པ་རེད།

ཚོགས་འདུའི་ཐོག་ཆབ་མདོ་གྲོང་ཁྱེར་གྱིས་རྒྱལ་ཁབ་ཀྱི“ལོ་ལྔ་ཚན་བཅོ་ལྔ་པའི”འཆར་འགོད་ནང་བཅུག་པའི་ལས་གྲྭའི་རྣམ་གྲངས་གལ་ཆེན་གྱི་རེ་ཞུ་གནས་ཚུལ་བརྡ་ཁྱབ་བཏང་ནས་རྫོང་（ཆུས）11གི2024ལོའི་ལས་དོན་སྤེལ་ཚུལ་དང་གོམ་སྟབས་རྗེས་མའི་ལས་དོན་བསམ་ཕྱོགས་ལ་གསན་པ་རེད།

ལའོ་ཆིན་འུའུ་ཡིས་རྫོང་（ཆུས）ཁག་གི་འདི་ལོ་ཚུན་གྱི་དཔལ་འབྱོར་དང་སྤྱི་ཚོགས་ཀྱི་བྱ་གཞག་ཁག་ལ་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་ཡོད། ཁོང་གིས་མིག་སྔར་ཆབ་མདོ་ནི“ཁུལ་གསུམ་དང་མཐོ་ས་གཅིག་འཛུགས་གཏོད”ཀྱི་འགག་སྒྲོལ་དུས་མཚམས་སུ་སླེབས་ཡོད་པས། ལྗོངས་ཡོངས་ཀྱི་ལྟེ་བའི་ཡན་ལག་གྲོང་ཁྱེར་འཛུགས་སྐྲུན་བྱེད་དུས་དང“ལོ་ལྔ་ཚན་བཅོ་ལྔ་པའི”འཆར་འགོད་སྒྲིག་བཟོ་བྱེད་པའི་དུས་སྐབས་གལ་ཆེན་ཞིག་ཡིན་པས། རྫོང་（ཆུས）ཁག་དང་ཚན་པ་ཁག་གིས་ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་འགན་འཁྲིའི་འདུ་ཤེས་ཟབ་ཏུ་གཏོང་བ། “དོན་ཆེན་བཞིར”དམིགས་པ་དང་“འཛུགས་གཏོད་བཞིར”དམ་པོར་དམིགས་ནས། འགན་འཁྲི་འཁུར་ཕོད་པ་དང་འབད་འབུངས་ཡར་བརྩོན་བཅས་བྱས་ཏེ། ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་ཆབ་མདོའི་ལེའུ་གསར་པ་ཧུར་ཐག་རྩོམ་དགོས་ཞེས་བསྟན།

ལའོ་ཆིན་འུའུ་ཡིས་ཚན་པ་ཁག་གིས་རྫོང་（ཆུས）ཁག་གིས་བཏོན་པའི་གནད་དོན་གྱི་གྲོས་འགོར་ཚད་མཐོའི་མཐོང་ཆེན་དང་དབྱེ་ཞིབ་དང་ཞིབ་འཇུག་གཏིང་ཟབ། གནད་སྨིན་འགྲེལ་བཤད་དང་གསེད་དཀྲོལ། ཚན་རིག་དང་མཐུན་པའི་སྒོ་ནས་དོན་དངོས་དང་མཐུན་ཞིང་འཕེལ་རྒྱས་ལ་དེ་བས་ཕན་པའི་སྲིད་ཇུས་ཀྱི་གཞི་འཛིན་ས་བཟོས་ཏེ།ཆབ་མདོ་སྤུས་ཚད་མཐོ་བའི་འཕེལ་རྒྱས་ཡོང་བར་འགན་ལེན་བརྟན་པོ་བྱེད་དགོས། སློབ་གསོ་སྒྱུར་བཅོས་གཏིང་ཟབ་ཏུ་གཏོང་བ་དང་། སློབ་གསོའི་ཁྱབ་ཁོངས་ཚད་ལྡན་ཅན་དུ་འཛུགས་སྐྲུན་དང་དོ་དམ་གྱི་སྲིད་ཇུས་བྱེད་ཐབས་རྒྱུན་མཐུད་ངང་དོན་འཁྱོལ་བྱེད་པ། སློབ་གསོ་དང་སློབ་ཁྲིད། རྒྱབ་ཕྱོགས་མཁོ་སྤྲོད་འགན་སྲུང་ཕྲལ་གསེད་སྒྱུར་བཅོས་ལག་བསྟར་ཡག་པོ་བཅས་བྱེད་དགོས། དུས་ཆེན་གསུམ་གྱི་འཛད་སྤྱོད་བྲིན་ཚོང་ཡག་པོ་བྱེད་པ་དང་། ཕྱུགས་རིགས་བཤས་གཏོང་ཚད་ཆེ་རུ་གཏོང་དགོས། གཅིག་སྡུད་རང་བཞིན་གྱི་མཁོ་སྤྲོད་བྱེད་ཐབས་སྤྱོད་པ། ཁྲོམ་ར་ཅན་གྱི་གཅིག་སྡུད་ཉོ་ཚོང་མངོན་འགྱུར་གང་ལེགས་བྱེད་པ་བཅས་ལ་དམིགས་ཏེ་གཙང་གསུམ་མཐའ་སྐོར་རིམ་སྤོར་སྒྱུར་བཀོད་དང་རྒྱལ་ལམ317དང་214རིམ་མཐོའི་གཞུང་ལམ་གྱི་སྤུས་ཚད་མཐོར་གཏོང་དང་རིམ་སྤོར་ལ་སྐུལ་འདེད་ཏན་ཏིག་བཏང་ཡོད། ཐོན་སྐྱེད་ནུས་ཤུགས་གསར་མ་འཕེལ་རྒྱས་ཤུགས་ཆེན་གཏོང་བ་དང་། རིག་ལྡན་མ་ལག་གི་གཞི་གྲངས་མཛོད་འཛུགས་སྐྲུན་ལ་མགྱོགས་མྱུར་སྐུལ་འདེད་གཏོང་བ། ཆ་འཕྲིན་གཞི་གྲངས་ཞབས་ཞུ་བེད་སྤྱོད་ནུས་པ་ཆེ་རུ་གཏོང་བ།“དྲ་བ་གཅིག”འཛུགས་སྐྲུན་ནང་ཧུར་ཐག་ཞུགས་པ། གྲངས་འཛིན་ལ་བརྟེན་ནས་ནུས་སྤྲོད་ཐོན་ལས་འཕེལ་རྒྱས་གཏོང་བ་བཅས་བྱེད་དགོས། ལས་དོན་གྱི་བསམ་ཕྱོགས་སྔར་བས་གསར་གཏོད་བྱེད་པ་དང་། འདུ་ཤེས་འགྱུར་ལྡོག་གཏོང་བ། དུས་བབ་གསར་པ་དང་རང་འགུལ་ངང་འཚམ་པར་བྱེད་པ། འཕེལ་རྒྱས་ཀྱི་གོ་སྐབས་གསར་པ་སྟངས་འཛིན་བྱས་ནས། གོང་འོག་མཉམ་འགུལ་དང་འབྲེལ་མཐུད་མཐའ་འཁྱོངས་བཅས་བྱས་ཏེ་འཕེལ་རྒྱས་ལ་སྐུལ་འདེད་གཏོང་བའི་མཉམ་ཤུགས་ཆེན་པོ་ཞིག་ཆགས་པ་བྱེད་དགོས་ཞེས་ནན་བཤད་གནང་ཡོད།