འདི་ག་ཚགས་པར་ཁང་དུ་གནས་ཚུལ་འབྱོར་གསལ།དུས་ཡུན་རིང་པོའི་ནང་ཐེན་ཅིན་བོད་སྐྱོར་རུ་ཁག་གིས་སྟེང་ཆེན་རྫོང་གི་ཁྱད་དུ་འཕགས་པའི་ས་ཁོངས་ཀྱི་གནས་བབ་དང་ཕུན་སུམ་ཚོགས་ལ་དམིགས་བསལ་གྱི་མི་རིགས་རིག་གནས་ཀྱི་ནང་དོན་དང་བརྗིད་ཆགས་ཡིད་དུ་འོང་བའི་རང་བྱུང་མཛེས་ལྗོངས་ལ་བརྟེན་ནས་ཁྱད་ལྡན་ཐོན་ལས་འཕེལ་རྒྱས་གཏོང་བ་དང་མཛེས་སྡུག་ལྡན་པའི་གྲོང་གསེབ་འཛུགས་སྐྲུན་བྱེད་པའི་ཁྲོད་དེང་རབས་ཀྱི་ཡུལ་སྐོར་ཐོན་ལས་འཕེལ་རྒྱས་ཀྱི་འདུ་ཤེས་གང་ལེགས་སྤྱད་དེ་རྒྱལ་ལམ་317ལམ་རྒྱུད་ཀྱི་གྲོང་གསེབ་ཀྱི་རིག་གནས་ཡུལ་སྐོར་ཚོང་པ་གཞི་གཅིག་ཏུ་འདུས་པའི་ཞིང་ལས་སྣོད་བཅུད་ཐོན་ལས་གླིང་ཁུལ་ཐོག་མ་དེ་བཏོད་ཡོད་པ་རེད། རྒྱལ་སྟོན་དུས་ཆེན་རིང་གླིང་ཁུལ་གྱི་དུས་ཐེངས་གཉིས་པའི་རྣམ་གྲངས་ཏེ། མཐོ་སྣེའི་བར་སྣང་གྲུ་ཚང་སྒར་ས་གྲུབ་འབྲས་ཐོབ་པའི་ངང་ཚོད་ལྟ་གཉེར་སྐྱོང་བྱས་ནས་ཆབ་མདོ་གྲོང་ཁྱེར་གྱི“ཞིང་ལས་དང་། རིག་གནས། ཡུལ་སྐོར+”གྱི་ས་རྟགས་གསར་པ་ནུས་ཤུགས་ཡོད་རྒུས་བཏོད་པ་རེད།

མཐོ་གསར་ཞིང་ལས་ལག་རྩལ་བེད་སྤྱོད་གང་ལེགས་བྱེད་པ་དང་དུས་མཚུངས་ཐེན་ཅིན་བོད་སྐྱོར་རུ་ཁག་གིས་རིག་གནས་ཡུལ་སྐོར་ཐོན་ཁུངས་དེ་སྟེང་ཆེན་རྫོང་ཞིང་ལས་ཐོན་ལས་གླིང་ཁུལ་འཆར་འགོད་དང་གོང་འཕེལ་གཏོང་བའི་བརྒྱུད་རིམ་ནང་གི་གལ་ཆེའི་རྒྱུ་ནོར་ཞིག་ཏུ་བརྩིས་པ་དང་སྟེང་ཆེན་གྱི་ཕུན་སུམ་ཚོགས་ལ་དམིགས་བསལ་གྱི་མི་རིགས་རིག་གནས་ཀྱི་ནང་དོན་དང་བརྗིད་ཆགས་མཛེས་སྡུག་ལྡན་པའི་རང་བྱུང་མཛེས་ལྗོངས་ལ་བརྟེན་ནས་སྟེང་ཆེན་ཞིང་ལས་སྣོད་བཅུད་གླིང་འཛུགས་སྐྲུན་དང་མཛེས་སྡུག་ལྡན་པའི་གྲོང་གསེབ་འཛུགས་སྐྲུན་བྱེད་པའི་ནང་དེང་རབས་ཡུལ་སྐོར་ཐོན་ལས་གོང་འཕེལ་གཏོང་བའི་འདུ་ཤེས་བེད་སྤྱོད་གང་ལེགས་བྱས་ཏེ་རིག་གནས་དང་ཡུལ་སྐོར་ཟུང་འབྲེལ་བྱས་ཡོད། གདོད་མའི་སྣོད་བཅུད་མཛེས་ལྗོངས་དང་དེང་རབས་ཅན་གྱི་ཡུལ་སྐོར་རྣམ་པ“ཕན་ཚུན་མཉམ་འབྲེལ”བྱས་ནས་317ལམ་རྒྱུད་ཀྱི་གྲོང་གསེབ་ཀྱི་ཞིང་ལས་དང་། རིག་གནས། ཡུལ་སྐོར། ཚོང་ལས་བཅས་གཞི་གཅིག་ཏུ་འདུས་པའི་ཞིང་ལས་སྣོད་བཅུད་ཐོན་ལས་གླིང་ཁུལ་ཐོག་མ་གཏོད་ཡོད་པ་རེད།

ཁང་པ་ཚང་མ་ཧ་ཡང་ལས་གྲུབ་པའི་མཐོ་སྣེའི་བར་སྣང་གྲུ་ཚང་དང་། གློག་སྒྲོན། སྐར་ཡོལ། མཁའ་རླུང་སྙོམས་ཆས་སོགས་རང་འགུལ་མ་ལག་གིས་ཚོད་འཛིན་བྱེད་ཀྱིན་ཡོད་ལ་ཏུའུ་270ཡི་མཛེས་ལྗོངས་ཁུལ་གྱི་སྒེའུ་ཁུང་ཇུས་འགོད་བྱས་ཡོད། མིག་གིས་ཡར་བལྟས་ན་མཛེས་པའི་ཡུལ་ལྗོངས་མཐོང་ཐུབ། ཡུལ་སྐོར་བར་ཞག་སྡོད་དང་། སྤྲོ་གསེང་། རོལ་རྩེད་བཅས་གཞི་གཅིག་ཅན་གྱི་ནུས་པ་མང་བའི་ཡུལ་སྐོར་སྒར་སྡོད་ཁང་པ་ཞིག་བསྐྲུན་ཡོད།