འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཚེས་23ཉིན་གྱི་ཕྱི་དྲོ། གྲོང་ཁྱེར་སྲིད་གཞུང་ཏང་ཙུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་སློབ་སྦྱོང་ཚོགས་འདུ་འཚོགས་ནས།སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་དོན་རབ་དང་རིམ་པ་དང་།མཛུབ་སྟོན་གལ་ཆེན། ཏང་གི་སྒྲིག་ཁྲིམས་དང་སྒྲིག་ལམ་བཅས་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱེད་པ་དང་།ཀྲུང་དབྱང་དང་རང་སྐྱོང་ལྗོངས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་ལེན་མཐར་ཕྱིན་བྱེད་པའི་བརྗོད་དོན་གཙོ་བོའི་སློབ་གསོའི་ཕྱོགས་སྡོམ་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་རེད། གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་ཧྲི་ཀྲང་གཞོན་པ་ཝུའེ་ཤིན་ཀུའེ་ཡིས་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད།

ཚོགས་འདུའི་ཐོག ཏང་གི་རིགས་པའི་གཞུང་ལུགས་གསར་གཏོད་མདུན་སྐྱོད་བྱེད་ཐེངས་རེར་རིགས་པའི་གཞུང་ལུགས་ཀྱི་དྲག་ཆས་རྗེས་སུ་འབྲངས་དགོས། སྲིད་གཞུང་ཁོངས་གཏོགས་ཀྱི་ཏང་ཡོན་དང་འགོ་ཁྲིད་ལས་བྱེད་པས་“གཏན་འཁེལ་གཉིས་”ལ་བརྩི་བཀུར་མཐའ་གཅིག་ཏུ་བྱེད་པ་དང་། སྲོག་ཤིང་ལ་ལྷག་བསམ་རྣམ་དག་གིས་གོང་བཀུར་བྱེད་པ།“འདུ་ཤེས་བཞི་”ཟབ་ཏུ་གཏོང་བ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས་”ཐུབ་པ་བཅས་བྱས་ཏེ། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་དང་བློ་བརྟན་འགྱུར་མེད་ངང་གཅིག་མཐུན་ཡོང་བ་བྱེད་དགོས་ཞེས་བསྟན་ཡོད་པ་རེད།

ཚོགས་འདུའི་ཐོག་རང་རྟོགས་ངང་“སྲུང་སྐྱོང་གཉིས”ཐུབ་པ་དང་།ཏང་གི་གསར་གཏོད་རིགས་པའི་གཞུང་ལུགས་ཀྱི་དྲག་ཆས་ལ་རྒྱུན་ཆད་མེད་པར་ཤུགས་སྣོན་བརྒྱབ་སྟེ་ལོ་རྒྱུས་ཀྱི་གཏན་ཚིགས་དང་།ལག་ལེན་གྱི་གཏན་ཚིགས། རིགས་པའི་གཞུང་ལུགས་ཀྱི་གཏན་ཚིགས།དོན་དངོས་ཀྱི་གཏན་ཚིགས་བཅས་ཀྱི་ཐོག་ནས“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་ཏེ། “གཏན་འཁེལ་གཉིས”ཀྱི་ཆབ་སྲིད་གྲུབ་འབྲས་དེ་“སྲུང་སྐྱོང་གཉིས”ཀྱི་ཆབ་སྲིད་རང་རྟོགས་སུ་བསྒྱུར་དགོས། རང་རྟོགས་ཀྱིས་ཕུགས་བསམ་དང་དད་སེམས་བརྟན་པོ་ཡོང་བ་བྱས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་བསམ་བློའི་ཚན་རིག་མ་ལག་དང་། སྙིང་བཅུད་ཀྱི་དོན། ལག་ལེན་གྱི་བླང་བྱ་བཅས་ཁྱོན་ཡོངས་ནས་ཁོང་དུ་ཆུད་པ་བྱས་ཏེ། མར་ཁེ་སིའི་རིང་ལུགས་ལ་དད་མོས་དང་། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ལ་དད་མོས་བྱེད་པ། ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱེད་པར་དད་མོས་སྔར་ལས་བརྟན་པོ་ཡོང་བ་བྱ་དགོས། རང་རྟོགས་ཀྱིས་ཡང་དག་པའི་སྲིད་དོན་གྲུབ་འབྲས་ཀྱི་ལྟ་བ་བརྟན་པོར་འཛུགས་བ་དང་། དམིགས་ཡུལ་གྱི་འདུ་ཤེས་ཟབ་ཏུ་གཏོང་བ་དང་། ཐོག་མའི་བསམ་འདུན་དང་ལས་འགན་བརྟན་སྲུང་བྱེད་དགོས་པ། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློའི་ལག་ལེན་ནན་ཏན་བྱེད་པ་དང་། དམངས་ལ་བྱ་བ་བསྒྲུབས་རྒྱུ་མཐའ་འཁྱོངས་བྱེད་པ་དང་དམངས་ལ་བདེ་སྐྱིད་བསྐྲུན་རྒྱུ་དེ་སྲིད་དོན་གྲུབ་འབྲས་གལ་ཆེན་ཞིག་དུ་བརྩི་ནས། དམངས་འཚོ་ལ་ཕན་པ་དང་། དམངས་སེམས་དྲོ་བ། དམངས་འདོད་ལ་བསྟུན་པའི་དམངས་འཚོའི་དོན་དངོས་ཀྱི་བྱ་བ་གནད་ལ་འཁེལ་བའི་སྒོ་ནས་སྒྲུབ་སྟེ། མི་དམངས་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཆེ་རུ་ཏན་ཏིག་ཆེ་རུ་གཏོང་དགོས་ཞེས་ནན་བཤད་གནང་ཡོད།