འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་ཆར། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་གྲོང་ཨུད་ཀྱི་ཧྲུའུ་ཅི་ཀུང་ཧུའེ་ཚའེ་ཡིས་ཆབ་མདོ་གྲོང་ཁྱེར་གྱིས“ཁུལ་གསུམ་དང་མཐོ་ས་གཅིག”འཛུགས་གཏོད་ཧུར་ཐག་བྱེད་པ་དང་ཏང་གི་འཛུགས་སྐྱོང (གཞི་རིམ་རྩ་འཛུགས་འཛུགས་སྐྱོང)ཆེ་རུ་གཏོང་བའི་འགོ་ཁྲིད་ཚོགས་ཆུང་གི་ཚོགས་འདུ་གཙོ་སྐྱོང་གནང་ནས་ཆེད་དོན་ཚོགས་ཆུང་ཁག་གི་ལས་དོན་སྤེལ་ཚུལ་གྱི་སྙན་སེང་ལ་གསན་པ། གོམ་སྟབས་རྗེས་མའི་ལས་དོན་བཀོད་སྒྲིག་གནང་ཡོད།

ཀུང་ཧུའེ་ཚའེ་ཡིས་“འཛུགས་གཏོད་བཞིར”སྐུལ་འདེད་གཏོང་བ་དང་ཏང་འཛུགས་སྐྱོང་ལ་ཤུགས་སྣོན་རྒྱག་རྒྱུ་དེ་ནི“དོན་ཆེན་བཞི”ཡག་པོ་སྒྲུབ་པའི་ཞིབ་ཕྲའི་ལག་ལེན་དང་། ཀྲུང་གོའི་ལུགས་ཀྱི་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་ལ་སྐུལ་འདེད་གཏོང་བའི་འཐབ་ཇུས་བཀོད་སྒྲིག་ཞིག་ཡིན་པས། ངེས་པར་དུ་ཆ་ཤས་དང་ཁྱོན་ཡོངས་དང་། མིག་སྔ་དང་ཕུགས་འདུན། གཙོ་གནད་དང་སྤྱིར་བཏང་བཅས་བར་གྱི་འབྲེལ་བ་ཐག་གཅོད་ཡང་དག་བྱེད་པ་དང་དམ་པ་དོན་གཉེར་གྱི་ངར་ཤུགས་དང་རྩེར་སོན་གསར་གཏོད་བྱེད་ཕོད་པའི་ངར་ཤུགས་རྒྱུན་འཁྱོངས་བཅས་བྱས་ཏེ་“འཛུགས་གཏོད་བཞི་”ཡི་ལས་དོན་ཁག་དོན་ཐོག་ཏུ་འཁྱོལ་བར་སྐུལ་འདེད་གཏོང་དགོས།

(པར་ངོས་གསུམ་པར་གཟིགས) (པར་ངོས་དང་པོར་མཐུད) རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་ཁུལ་འཛུགས་གཏོད་བྱ་རྒྱུ་དེ་ལས་འགན་ཨང་དང་པོར་བརྩི་རྒྱུ་མཐའ་འཁྱོངས་ཀྱིས་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་བརྟན་པོ་འཛུགས་པ་དང་། ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་གཏིང་ཟབ་སྤེལ་ནས་གཞི་རིམ་བཅོས་སྐྱོང་གཏིང་ཟབ་ཏུ་གཏོང་བ་དང་། དགོན་སྡེའི་དོ་དམ་ལ་ཤུགས་སྣོན་རྒྱག་པ། སྤྱི་པའི་བདེ་འཇགས་ལ་སྲུང་སྐྱོང་སོགས་ཀྱི་ཐད་མུ་མཐུད་ཤུགས་རྒྱག་པ་དང་།“འདུ་ཤེས་གསུམ”གྱི་སློབ་གསོ་ཟམ་མི་ཆད་པར་གཏིང་ཟབ་ཏུ་གཏོང་བ་བཅས་བྱས་ནས་མི་རིགས་ཁག་དབར་འགྲོ་འོང་དང་། སྤེལ་རེས། མཉམ་འདྲེས་བཅས་ལ་སྐུལ་འདེད་ནུས་ལྡན་གཏོང་དགོས། ས་མཐོའི་དཔལ་འབྱོར་སྤུས་ཚད་མཐོ་པོའི་འཕེལ་རྒྱས་ཀྱི་སྔོན་སྒྲུབ་ཁུལ་གཏོད་རྒྱུ་དེ་ལས་འགན་གལ་ཆེན་དུ་བརྩི་རྒྱུ་མཐའ་འཁྱོངས་ཀྱིས་ཆབ་མདོའི་ལྟེ་བའི་གྲོང་ཁྱེར་གཞོན་པའི་འཆར་འགོད་དང་ཁྲོན་བོད་ལྕགས་ལམ་དཔལ་འབྱོར་ཁུལ་འཆར་འགོད་མུ་མཐུད་ཡག་པོ་བྱེད་པ་དང་། སྤང་མདའ་གནམ་ཐང་གི་བབས་ཚུགས་བསྐྱར་སྐྲུན་དང་རྒྱས་སྐྲུན་བྱེད་མགྱོགས་སུ་གཏོང་བ། G214ལམ་ཐིག་གི་ཆབ་མདོའི（ལྕགས་ཁ）གནམ་ཐང་གི་རིམ་མཐོའི་གཞུང་ལམ་གཙོ་གནད་དུ་བྱེད་པའི་རྨང་གཞིའི་སྒྲིག་བཀོད་འཛུགས་སྐྲུན་ལ་སྐུལ་འདེད་གཏོང་བ། ནུས་རྒྱུ་གཙང་མ་དང་། ལྗང་མདོག་གཏེར་ལས། ཁྱད་ལྡན་རིག་གནས་ཡུལ་སྐོར་སོགས་“3+4”ཀྱི་དེང་རབས་ཐོན་ལས་མ་ལག་མགྱོགས་མྱུར་སྐྱེད་སྲིང་བྱེད་པ། སློབ་གསོ་དང་། ལས་ཞུགས། སྨན་བཅོས་སོགས་དམངས་འཚོའི་དོན་དངོས་སེམས་ནུས་ཡོད་རྒུ་བཏོན་ནས་བསྒྲུབ་ཏེ་མང་ཚོགས་ཀྱི་ཡོང་འབབ་འཕར་བར་རྒྱུན་མཐུད་སྐུལ་འདེད་བཏང་སྟེ་མི་དམངས་མང་ཚོགས་ཀྱི་འཚོ་བའི་ཆུ་ཚད་མུ་མཐུད་མཐོར་འདེགས་ཡོང་བར་འགན་ལེན་བྱེད་དགོས། རྒྱལ་ཁབ་ཀྱི་སྣོད་བཅུད་ཤེས་དཔལ་གྱི་མཐོ་ས་གཏོད་རྒྱུ་དེ་ནང་གནས་ཀྱི་བླང་བྱར་བརྩི་རྒྱུ་མཐའ་འཁྱོངས་ཀྱིས་རྒྱལ་ཁབ་ས་ཆའི་སྔོ་འགྱུར་བྱ་སྤྱོད་དང“གཙང་གསུམ་ཆུ་འབབ”ཀྱི་རི་ཆུ་ནགས་གསུམ་དང་། ཞིང་ལས། མཚོ་དང་མཚེའུ། རྩྭ་ཐང་བཅས་ཀྱི་སྣོད་བཅུད་སླར་གསོའི་འདུ་འགོད་ལག་བསྟར་ཤུགས་ཆེན་བྱས་ཏེ་རྫོང་གྲོང་གི་གད་སྙིགས་སྦས་ཡུལ་དང་གྲོང་ཁྱེར་དང་གྲོང་རྡལ་གྱི་བཙོག་ཆུ་གཙང་སེལ་བཟོ་གྲྭ་སོགས་རྨང་གཞིའི་སྒྲིག་བཀོད་འཛུགས་སྐྲུན་ལ་དམ་འཛིན་ཡག་པོ་བྱས་ནས་མི་ཕྱུགས་ལོགས་སུ་དབྱེ་བ་དང་དུད་ཚང་གི་གསང་སྤྱོད་སྒྱུར་བཀོད་ལ་སྐུལ་འདེད་བཏང་སྟེ་སྣོད་བཅུད་ཁོར་ཡུག་བཟང་པོ་ཡོང་བའི་འགན་ལེན་བྱེད་དགོས། རྒྱལ་ཁབ་ཀྱི་མཐའ་བརྟན་མཐའ་དར་དམངས་ཕྱུག་བྱ་སྤྱོད་ཀྱི་དཔེ་སྟོན་ཁུལ་གཏོད་རྒྱུ་དེ་འཐབ་ཇུས་ལས་འགན་ལ་བརྩི་རྒྱུ་མཐའ་འཁྱོངས་བྱས་ནས“མཐའ་མཚམས་ཆེ་མོ་དང་མཐའ་སྲུང་ཆེ་མོའི”འདུ་ཤེས་བརྟན་པོ་བཙུགས་ཏེ་ནུས་ཤུགས་ཡོད་རྒུས་ཆབ་མདོར་བཅའ་སྡོད་དཔུང་སྡེའི་འཛུགས་སྐྲུན་ལ་རྒྱབ་སྐྱོར་བྱེད་པ་དང་། ས་ངན་གནས་སྤོའི་ལས་དོན་ལ་བརྟན་པོའི་ངང་སྐུལ་འདེད་གཏོང་བ། མང་ཚོགས་མཐའ་མཚམས་སུ་གནས་སྤོའི་ལས་དོན་ལ་སྐུལ་སློང་ཧུར་ཐག་བཅས་བྱེད་དགོས། ཏང་འཛུགས་སྐྱོང་ལ་ཤུགས་སྣོན་རྒྱག་རྒྱུ་དེ་རྩ་བའི་འགན་ལེན་དང་ཆབ་སྲིད་འཛུགས་སྐྱོང་གིས་སྤྱི་འདོམས་བྱ་རྒྱུ་མཐའ་འཁྱོངས་ཀྱིས་རིགས་པའི་གཞུང་ལུགས་ཀྱིས་དྲག་ཆས་སྤྲོས་པ་དང་། ལས་བྱེད་པའི་དཔུང་ཁག་འཛུགས་སྐྱོང་། གཞི་རིམ་རྩ་འཛུགས་འཛུགས་སྐྱོང་། ཏང་སྲོལ་སྲིད་གཙང་འཛུགས་སྐྱོང་བཅས་ལ་མུ་མཐུད་ཤུགས་སྣོན་བརྒྱབ་སྟེ་རིམ་ཁག་ཏང་རྩ་འཛུགས་ཀྱི་གོང་བུ་འགྲིལ་ཤུགས་དང་དམག་འཐབ་ནུས་པ་རྒྱུན་ཆད་མེད་པར་ཆེ་རུ་བཏང་ནས་ཏང་ཡོན་ལས་བྱེད་པའི་“འཛུགས་གཏོད་བཞིར”སྐུལ་འདེད་གཏོང་བའི་ནུས་པ་དང་ཆུ་ཚད་རྒྱུན་ཆད་མེད་པར་མཐོ་རུ་གཏོང་དགོས་པའི་ནན་བཤད་གནང་ཡོད།

（དཔལ་ཐར་རྒྱལ་གྱིས་བསྒྱུར）