འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་10ཚེས་25ཉིན་གྱི་དགོང་མོ། གྲོང་ཨུད་ཧྲུའུ་ཅི་གཞོན་པ་རྒྱུན་ལས་ཧྲི་ཀྲང་གཞོན་པ་ཝུའེ་ཤིང་ཀུའེ་ཡིས་ཆབ་མདོ་གྲོང་ཁྱེར་སྲིད་གཞུང་གི་སྐབས་གཉིས་པའི་མི་དམངས་སྲིད་གཞུང་གི་རྒྱུན་ལས་ཚོགས་འདུ་ཐེངས་ལྔ་བཅུ་པ་གཙོ་སྐྱོང་གནང་སྟེ། ཉེ་དུས་ཀྱི་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་རེད། ངེད་གྲོང་ཁྱེར་གྱི་དུས་ཚིགས་དང་པོ་ནས་གསུམ་པའི་བར་གྱི་གྲོང་ཁྱེར་ཡོངས་ཀྱི་དཔལ་འབྱོར་འཁོར་སྐྱོད་དབྱེ་ཞིབ་དང་དེ་བཞིན་གོམ་སྟབས་རྗེས་མའི་དཔལ་འབྱོར་ལས་དོན་གྱི་གྲོས་འགོ ནོར་སྲིད་སྔོན་རྩིས་ལེགས་སྒྲིག་ཇུས་གཞི་སོགས་ཀྱི་དོན་དག་ལ་ཞིབ་འཇུག་བྱས་ཡོད་པ་རེད།

གྲོང་ཁྱེར་གྱི་འགོ་ཁྲིད་ཀྲང་ཅན་ཧྭ་དང་། ལུའེ་གོ་ཅན། ཝུའུ་དབྱིང་ཧའེ། ལིག་ཝུན་ཏེ། ཀའོ་ཞུའེ་ཝུན། ཕུའུ་ཡུས་ཧུའེ། ཝུའུ་ཅན། ཤེ་ཝུན་ཀོང་།（ལྷོ་རོང་རྫོང་ཡན་ལག་ཚོགས་ར）ཐོགས་མེད་ཤེས་རབ་བཅས་ཚོགས་འདུར་ཕེབས་ཡོད། དབྱང་དབྱིན་ཟུར་ཞུགས་བྱས་ཡོད།

ཚོགས་འདུའི་ཐོག《2023ལོའི་དུས་ཚིགས་དང་པོ་ནས་གསུམ་པའི་བར་གྲོང་ཁྱེར་ཡོངས་ཀྱི་དཔལ་འབྱོར་འཁོར་སྐྱོད་དབྱེ་ཞིབ་དང་གོམ་སྟབས་རྗེས་མའི་དཔལ་འབྱོར་ལས་དོན་གྱི་གྲོས་གཞིའི（ཞིབ་བཤེར་ལ་འབུལ་རྒྱུའི་མ་ཟིན）》རྩ་དོན་ལ་མོས་མཐུན་བྱས་ཡོད་པ་རེད།

ཚོགས་འདུའི་ཐོག་རིམ་ཁག་སྡེ་ཚན་ཁག་གིས་གནད་དོན་ཕྱོགས་སྟོན་དུ་བྱས་ཏེ་ཧེ་བག་དང་། ཞན་ཆ་གསབ་པ། སྟོབས་ཤུགས་ཆུང་བ་བཅས་བཙལ་ནས་ནུས་ཤུགས་ཡོད་རྒུས་མཐའ་མའི་གདོང་མཆོང་བྱས་ཏེ་2023ལོའི་གྲོང་ཨུད་ཀྱི་དཔལ་འབྱོར་ཚོགས་འདུ་དང《སྲིད་གཞུང་གི་ལས་དོན་སྙན་སྒྲོན》ནང་གཏན་འཁེལ་བྱས་པའི་དམིགས་ཚད་ལས་འགན་ལེགས་སྒྲུབ་བྱ་རྒྱུའི་འགན་ལེན་བྱེད་དགོས། གཙོ་གནད་ལ་དམིགས་པ་དང་། ངེད་གྲོང་ཁྱེར་གྱིས་སང་ལོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་ཚད་དང་གཙོ་གནད་ལས་ཀའི་ལས་འགན་གཏན་འཁེལ་བྱེད་པ། རྣམ་གྲངས་ཀྱི་དུས་འགོའི་ལས་དོན་ཇུས་འགོད་དང་སྐུལ་འདེད་ཧུར་ཐག་གཏོང་བ་བཅས་བྱས་ནས་གོམ་སྟབས་རྗེས་མར་རྒྱལ་ཁབ་དང་རང་སྐྱོང་ལྗོངས་ཀྱི་མ་འཇོག་བརྩོན་ལེན་བྱ་ཆེད་ཆ་རྐྱེན་གཏོད་དགོས་པའི་བླང་བྱ་བཏོན་ཡོད།

ཚོགས་འདུའི་ཐོག《ཆབ་མདོ་གྲོང་ཁྱེར་གྱི་2023ལོའི་ནོར་སྲིད་སྔོན་རྩིས་ལེགས་སྒྲིག་ཇུས་གཞིའི（འཆར་ཟིན）》ལ་རྩ་དོན་ཐོག་མོས་མཐུན་བྱས་པ་རེད།

ཚོགས་འདུའི་ཐོག་ད་དུང་དོན་ཚན་གཞན་དག་ལ་ཞིབ་འཇུག་བྱས་ཡོད།