འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཏང་དབུ་བརྙེས་ནས་ལོ་102འཁོར་བའི་སྐབས་འདིར། ཟླ་7ཚེས་1ཉིན་གྱི་སྔ་དྲོ་ཀྲུང་གུང་ཆབ་མདོ་གྲོང་ཨུད་རྩ་འཛུགས་པུའུ་དང་ཀྲུང་གུང་ཆབ་མདོ་གྲོང་ཨུད་དྲིལ་བསྒྲགས་པུའུ་ཡིས་གཙོ་གཉེར་བྱས་པ་དང་། ཆབ་མདོ་གྲོང་ཁྱེར་རིག་གནས་ཅུས（གྲོང་ཁྱེར་རིག་དངོས་ཅུས）དང་ཆབ་མདོ་གྲོང་ཁྱེར་མཉམ་འདྲེས་སྨྱན་སྦྱོར་ལྟེ་གནས་ཀྱིས་གཉེར་འགན་འཁུར་བའི“ཏང་དྲིན་ལ་བསྟོད་པ། སྲོག་ཤིང་ལ་བསྟོད་པ། མི་དམངས་ལ་བསྟོད་པ”ཞེས་པའི་མཉམ་གཞས་བྱེད་སྒོ་དེ་ཆབ་མདོ་གྲོང་ཁྱེར་ཇ་རྟ་ཐང་ཆེན་དུ་སྤེལ་བ་རེད། ངེད་གྲོང་ཁྱེར་གྱི་ཚན་པ་ཁག་དང་ལས་རིགས་ཁག་ནས་ཡོང་བའི་མཉམ་གཞས་རུ་ཁག་12ཀྱིས་གསར་བརྗེའི་ལེ་ཚན་བསྐྱར་དྲན་བྱས་ནས་དུས་རབས་ཀྱི་བརྗོད་དོན་ཤུགས་ཀྱིས་གྱེར་ཡོད།

ཇ་རྟ་ཐང་ཆེན་དུ་དགོད་སྒྲས་ཁེངས་ཤིང་ཧ་ཅང་འཁྲུག་པོ་ཡོད།

རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་གྲོང་ཨུད་ཀྱི་ཧྲུའུ་ཅི་ཀུང་ཧུའེ་ཚའེ་དང་། གྲོང་ཨུད་ཀྱི་ཧྲུའུ་ཅི་གཞོན་པ་ཝང་ཡ་ཏུང་། གྲོང་ཨུད་ཀྱི་ཧྲུའུ་ཅི་གཞོན་པ་རྒྱུན་ལས་ཧྲི་ཀྲང་གཞོན་པ་ཀྲང་ཅན་ཧྭ། གྲོང་ཨུད་ཀྱི་རྒྱུན་ཨུ་ཆབ་མདོ་ཡན་ལག་དམག་ཁུལ་ཁང་གི་སི་ལིང་ཡོན་ཧོ་ཧྲེང་། གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་ཆི་དབྱིང་ཧའེ། གྲོང་ཨུད་ཀྱི་རྒྱུན་ཨུ་རེན་ཧའོ་མིང་བཅས་ཚོགས་འདུར་ཞུགས་ཡོད། གྲོང་ཨུད་ཀྱི་རྒྱུན་ཨུ་དྲིལ་བསྒྲགས་པུའི་པུའུ་ཀྲང་དངོས་གྲུབ་ཟླ་བས་ཤིས་ཚིག་ཕུལ་ཡོད།

བྱེད་སྒོ་སྤེལ་ཡུལ་དུ་རྣམ་པ་འཁྲུག་ཆ་དོད་ལ་ཐལ་མོའི་རྡེབ་སྒྲས་ཁེངས། གར་སྟེགས་ཐོག་མཉམ་གཞས་རུ་ཁག་རེས་མོས་བྱས་ནས་སྲིད་སྟེགས་ཐོག་འཛེགས་ཏེ་གླུ་གཞས་ལ་བརྟེན་ནས་ཏང་གི་འབད་འཐབ་ལོ་རྒྱུས་བསྐྱར་དྲན་བྱས་པ་དང་ཏང་ལ་བཅངས་པའི་སྨོན་འདུན་ཟབ་མོ་མཚོན་པར་བྱས་ལ། རོལ་དབྱངས་ལ་བརྟེན་ནས་བདེ་སྐྱིད་ལྡན་པའི་གཏམ་རྒྱུད་བརྗོད་དེ་ཆབ་མདོའི་མི་རིགས་ཁག་གི་མི་དམངས་ཀྱིས་གོམ་སྟབས་ཆེན་པོས་རྒྱང་སྐྱོད་ཀྱི་ལམ་བུ་གསར་པའི་ཐོག་སྐྱོད་པའི་བརྗིད་ཆེའི་སྟོབས་ཤུགས་གཅིག་ཏུ་འགྲིལ་ཡོད།