དཀར་ཟས་ཀྱི་རིགས།

འོ་སྐམ། འོ་སྤིས། འོ་སྐྱོ། སྤྲི། ཞོ། འོ་ཞོ། དར་ཞོ། བུར་ཞོ། རྩམ་ཞོ། ཞོ་ཕྱུར།ཞོ་འབྲས། ཞོ་གྲོ་མ། ད་ར། ཕྱུར་རློན། ཕྱུར་ཁུ། སྐྱ་ཕྱུར། སྔོ་ཕྱུར། རམ་ཕྱུར། མར་སེར་སོགས་མང་དུ་མཆིས། འདི་དག་གི་རྩ་བའི་རྒྱུ་ནི་འོ་མ་ཁོ་ན་སྟེ་དེ་ལའང་རློན་དང་བསྐོལ། བསྐམས། བསྲུབས། འཐག་སོགས་བྱས་པ་ལ་དཀར་གྱི་ངོ་བོ། རོ་བཅུད། བྲོ་བ་སོགས་མི་འདྲ་བ་སྣ་མང་ཕུན་སུམ་ཚོགས་པ་བཟོ་ཐུབ་པའི་ཁར་ད་དུང་རྩམ་སྐྱ་དང་ནས་ཡོས། འབྲས། གྲོ་མ། རམ་རྩམ་སོགས་བསྲེས་པས་དེ་དག་གི་རོ་བཅུད་དང་བྲོ་བ་སོགས་ཁྱད་པར་བ་མངོན་ཐུབ་བོ། །

དམར་ཟས་ཀྱི་རིགས།

ནོར་ཤ ལུག་ཤ ར་ཤ ཕག་ཤ ཚིལ་བུ། ཤ་བཙོས་མ། བསྲེགས་ཤ བརྔོས་ཤ འཁེང་ཤ ཤ་སྐམ། ཤ་རྙིང་། གྲོད་ཤ ཤ་རྩམ། ཤ་འབྲས། ཤ་ཁུ། ཤ་མིག ཚིལ་གོར། ཞག་རྩམ། གཡོས་རྒྱུ། ཁྲག་རྒྱུ། མཆིན་རྒྱུ་སོགས་ཡིན། དམར་གྱི་རིགས་འདི་དག་ལ་ཤ་ཁྲག་རུས་པ་ཞག་ཚིལ་དང་ནང་ཁྲོལ་དོན་སྣོད་སོགས་ཀྱི་དབྱེ་བ་དང་ཞོར་ཟས་སྔོ་ཚོད་རིགས་དང་མཉམ་བསྲེས་གཡོས་སྦྱོར་བྱས་ནས་བཟའ་སྟངས་ཤིན་ཏུ་མང་ཡང་འདི་ཙམ་གྱིས་འཐུས་པར་བྱས་སོ།།