འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་5ཚེས་6ཉིན་གྱི་ཕྱི་དྲོ། ཀྲུང་གུང་ཆབ་མདོ་གྲོང་ཨུད་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་སློབ་སྦྱོང་ཚོགས་འདུ་འཚོགས་ནས་བརྟག་དཔྱད་ཞིབ་འཇུག་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་གྱི་ཆེད་དོན་ལ་སློབ་སྦྱོང་བྱས་པ་དང་གྲོང་ཨུད་ཀྱི་ཧྲུའུ་ཅི་གཞོན་པ་ཝང་ཡ་ཏུང་གིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད། ཁོང་གིས་བརྟག་དཔྱད་ཞིབ་འཇུག་ཤུགས་ཆེན་བྱ་རྒྱུའི་སྐོར་གྱི་ཏང་ཀྲུང་དབྱང་དང་རང་སྐྱོང་ལྗོངས་ཏང་ཨུད་ཀྱི་བཀོད་སྒྲིག་ལ་གོ་བ་གཏིང་ཟབ་བླངས་ནས་ཏང་གི་མང་ཚོགས་ལམ་ཕྱོགས་བརྟན་པོའི་ངང་ཡག་པོ་བསྐྱོད་པ་དང་། ལུས་ཚུགས་ནས་ལས་དོན་དངོས་སྒྲུབ་པ། ཐབས་ཇུས་དངོས་འདོན་པ་དང་ཕན་འབྲས་དངོས་དོན་གཉེར་བཅས་བྱས་ཏེ། སྤྱི་ཚོགས་རིང་ལུགས་ཀྱི་དེང་རབས་ཅན་གྱི་ཆབ་མདོ་གསར་པ་སྒོ་ཀུན་ནས་འཛུགས་སྐྲུན་བྱེད་པའི་གོམ་སྟབས་ཡག་པོ་སྤོ་རྒྱུར་སྐུལ་འདེད་གཏོང་དགོས།

གྲོང་ཨུད་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་ཁོངས་མི་ཝུའེ་ཤིན་ཀུའེ་དང་། ལི་ཧྲེ་ཅང་། ལི་པིན། རེན་ཧོ་མིང་བཅས་ཀྱིས་སློབ་སྦྱོང་གི་མྱོང་ཚོར་སྤེལ་རེས་བྱས་པ། ཆི་དབྱིང་ཧའེ་དང་དངོས་གྲུབ་ཟླ་བ། ཝུའུ་དབྱིང་ཧའེ་བཅས་ཚོགས་འདུར་ཞུགས་པ་རེད།

ཝང་ཡ་ཏུང་གིས་འདི་ལོ་ནི་ཏང་གི་ཚོགས་ཆེན་ཉི་ཤུ་པའི་དགོངས་དོན་ཁྱོན་ཡོངས་ནས་ལག་བསྟར་དོན་འཁྱོལ་བྱེད་པའི་འགོ་ཚུགས་ལོ་ཡིན་ལ“ཁུལ་གསུམ་དང་མཐོ་ས་གཅིག”གཏོད་རྒྱུར་སྐུལ་འདེད་གཏོང་བའི་འགག་རྩའི་ལོ་ཞིག་ཀྱང་ཡིན་པས། གོ་སྐབས་གསར་པ་དང་འགྲན་སློང་གསར་པ་མང་པོ་འཕྲད་ཡོད་པས་བརྟག་དཔྱད་ཞིབ་འཇུག་བྱས་ནས་གཞི་རིམ་གྱི་གནས་ཚུལ་དངོས་མཐིལ་རྟོགས་བྱས་ཏེ་དཀའ་གནད་སེལ་བའི་བྱ་ཐབས་དང་ཐབས་ལམ་ཞིག་འཚོལ་རྒྱུ་ནི་དགོས་གལ་ཆེན་པོ་ཡིན་ཞེས་བསྟན།

ཝང་ཡ་ཏུང་གིས་རིམ་ཁག་སྡེ་ཚན་ཁག་གིས་མང་ཚོགས་དང་ཉེ་བཅར་དང་། མང་ཚོགས་ལ་བརྟེན་རྒྱུར་སྣང་ཆེན། མི་དམངས་མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ལ་རང་འགུལ་ངང་བརྟག་ཞིབ་བཅས་བྱས་ནས་ལས་ཞུགས་དང་། སློབ་གསོ། སྨན་བཅོས། འབབ་འཕར་སོགས་དམངས་འཚོའི་གནད་དོན་ཐག་གཅོད་ཡག་པོ་བྱས་ཏེ་མང་ཚོགས་ཀྱི་ཐོབ་ཚོར་དང་། བདེ་སྐྱིད་ཚོར་སེམས། བདེ་འཇགས་ཚོར་སེམས་བཅས་མུ་མཐུད་ཆེ་རུ་གཏོང་དགོས། ཚན་རིག་དང་མཐུན་པའི་བྱེད་ཐབས་སྤྱོད་མཁས་པ་དང་། “སློབ་ཚན་”ལ་བརྟག་དཔྱད་ཞིབ་འཇུག་གང་ལེགས་བྱེད་པ། ཁེངས་སྐྱུང་དང་སློབ་སྦྱོང་ཡག་པོ་བྱེད་པའི་རྣམ་འགྱུར་ཐོག་ནས་གཞི་རིམ་གྱི་ལས་བྱེད་པ་དང་མང་ཚོགས་ལ་སློབ་སྦྱོང་བྱེད་པ། སྐད་ཆ་དྲང་པོ་ཉན་པ་དང་། གནས་ཚུལ་ངོ་མ་མཐོང་བ། དོན་དངོས་སྒྲུབ་པ་བཅས་བྱས་ནས་བརྟག་དཔྱད་ཞིབ་འཇུག་གི་སྤུས་ཚད་དང་ཕན་འབྲས་མཐོ་རུ་གཏོང་དགོས།གནད་དོན་གྱི་སྟོན་ཕྱོགས་མཐའ་འཁྱོངས་དང་། གནད་དོན་འཚོལ་མཁས་པོ། གནད་དོན་ལ་ཞིབ་འཇུག་དབྱེ་ཞིབ། གནད་དོན་ནུས་ཤུགས་ཡོད་རྒུས་ཐག་གཅོད་བཅས་བྱས་ཏེ་རྫོང་（ཆུད）ལས་རིགས་དེ་རང་དང་སྡེ་ཚན་དེ་རང་ལ་ལས་དོན་དོན་འཁྱོལ་བྱེད་པའི་ཐབས་ཇུས་ཀྱི་གཞི་འཛིན་ས་དེ་བས་ལེགས་པའི་སྒོ་ནས་སྐུལ་འདེད་གཏོང་དགོས། གྲུབ་འབྲས་བེད་སྤྱོད་གཏིང་ཟབ་གཏོང་བ་དང་དུས་ཐོག་ཏུ་ཉམས་མྱོང་ཕྱོགས་སྡོམ་བྱས་ཏེ་བརྟག་ཞིབ་བྱས་པ་བརྒྱུད་འགག་རྩའི་གནད་དོན་ཁག་གཅིག་ནུས་ཤུགས་ཡོད་རྒུས་ཐག་གཅོད་བྱེད་པ་དང་། དཀའ་གནད་ཁག་གཅིག་ཐག་གཅོད་བྱེད་པ། དམངས་ཕན་བྱ་བཟང་ཁག་གཅིག་སྒྲུབ་པ་བཅས་བྱས་ནས་བརྟག་ཞིབ་ཀྱིས་མཐོང་རྒྱ་ཆེར་གཏོང་དང་བློ་རྒྱ་ཆེར་གཏོང་བྱེད་པ་དང་། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་རྒྱག་དགོས། རང་འགུལ་ངང་བྱས་རྗེས་འཇོག་པ་བཅས་བྱས་ནས་མཐུན་སྒྲིལ་ཕྱུག་འགྱུར་ཤེས་དཔལ་ཞི་མཐུན་མཛེས་སྡུག་བཅས་ཀྱི་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་ཆབ་མདོ་གསར་པ་འཛུགས་སྐྲུན་བྱ་ཆེད་ལེགས་སྐྱེས་འབུལ་དགོས་ཞེས་ནན་བཤད་གནང་བ་རེད།