སྤྱིར་བཏང་དུ་རྒྱུ་མའི་ཤ་འཛེར་ལ་མི་བདེ་བའི་ནད་རྟགས་ཤིན་ཏུ་ཉུང་། རྒྱུ་མའི་ཤ་འཛེར་མང་ཤོས་ནི་ལུས་པོར་བརྟག་དཔྱད་དམ་ཡང་ན་ནད་རིགས་གཞན་བརྟག་དཔྱད་བྱེད་སྐབས་ད་གཟོད་ཤེས་ཀྱི་ཡོད། འོན་ཀྱང་ཤ་འཛེར་ཅུང་ཆེ་བ་ལ་ལས་དེར་མཐུན་གྱི་རྒྱུ་མའི་ནད་རྟགས་འབྱུང་སྲིད། དཔེར་ན་ནད་པའི་སྐྱག་པ་གཏོང་བའི་གོམས་གཤིས་འགྱུར་བ་དང་། ཐེངས་གྲངས་མང་དུ་འགྱུར་བ། སྐྱག་པའི་ནང་དུ་འབྱར་ཁུ་ཡོད་པའམ་སྐྱག་ཆུའི་ནང་དུ་ཁྲག་ཡོད་པ་དང་། ལན་རེར་ཕོ་གཟེར་བ་སོགས་ཡོད། ནད་པ་ལ་ལར་དུས་ཡུན་རིང་པོར་ཁྲག་བཤལ་བ་དང་ཁྲག་མི་འདང་བའི་ནད་རྟགས་ཡོད།