འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཚེས་8ཉིན་གྱི་ཕྱི་དྲོར། གྲོང་ཨུད་ཀྱིས་རྫོང（ཆུས）ཨུད་ཀྱི་ཧྲུའུ་ཅི་དང་གྲོང་ཁྱེར་ལས་རིགས་ཁོངས་གཏོགས་ཀྱི་ཏང་ལས་ཨུད་ཧྲུའུ་ཅིས་2022ལོའི་ལོ་འཁོར་གྱི་གཞི་རིམ་ཏང་འཛུགས་སྐྱོང་ལས་དོན་ལ་དམ་འཛིན་གྱི་འགན་སྒྲུབ་གསལ་ཞུའི་དཔྱད་མོལ་ཚོགས་འདུ་འཚོགས་ཤིང་། གྲོང་ཨུད་ཀྱི་ཧྲུའུ་ཅི་ཀུང་ཧུའེ་ཚའེ་ཡིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་གནང་བ་སྟེ། ཏང་གི་ཚོགས་ཆེན་ཉི་ཤུ་པའི་དགོངས་དོན་གཏིང་ཟབ་ངང་ལག་བསྟར་དོན་འཁྱོལ་བྱེད་པ་དང་། ཏང་འཛུགས་སྐྱོང་དང་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་དོན་འཁྱོལ་བྱེད་པ། ཧྲུའུ་ཅི་ཝང་ཅོན་ཀྲེང་གི་གསུང་བཤད་དགོངས་དོན་དང་དཔྱད་བརྗོད་དགོངས་འཆར་ལག་བསྟར་དོན་འཁྱོལ་བཅས་བྱས་ཏེ་འགན་སྒྲུབ་གསལ་ཞུ་ལ་བརྟེན་ནས་ཉམས་མྱོང་སྤེལ་རེས་ལ་སྐུལ་འདེད་གཏོང་བ་དང་། དཔྱད་མོལ་ལ་བརྟེན་ནས་འགན་འཁྲི་དོན་འཁྱོལ་ཆེ་རུ་གཏོང་བ། གཞི་རིམ་ཏང་འཛུགས་སྐྱོང་ལས་དོན་གྱི་ཕན་འབྲས་ལ་སྐུལ་འདེད་གཏོང་བ་བཅས་བྱས་ནས། སྤྱི་ཚོགས་རིང་ལུགས་དེང་རབས་ཅན་གྱི་ཆབ་མདོ་གསར་པ་ཕྱོགས་ཡོངས་ནས་བསྐྲུན་པར་རྩ་འཛུགས་ཀྱི་འགན་ལེན་བྱེད་དགོས་པའི་ནན་བཤད་གནང་བ་རེད། ཚོགས་འདུའི་ཐོག རྫོང（ཆུས）ཨུད་ཀྱི་ཧྲུའུ་ཅི་དང་གྲོང་ཁྱེར་ལས་རིགས་ཁོངས་གཏོགས་ཀྱི་ཏང་ལས་ཨུད་ཧྲུའུ་ཅིས་གཞི་རིམ་ཏང་འཛུགས་སྐྱོང་ལས་དོན་དམ་འཛིན་ཡག་པོ་བྱེད་ཚུལ་ལ་དམིགས་ཏེ་འགན་སྒྲུབ་གསལ་ཞུ་བྱས་པ་རེད། ལྗོངས་ཏང་ཨུད་རྩ་འཛུགས་པུའི་འབྲེལ་ཡོད་བློ་མཐུན་ཚོགས་འདུར་ཞུགས་ནས་མཛུབ་ཁྲིད་གནང་བ་རེད། ཀུང་ཧུའེ་ཚའེ་ཡིས་ནན་ཏན་ངང་གསན་ནས་རེ་རེ་བཞིན་དཔྱད་བརྗོད་གནང་བ་རེད།
ཀུང་ཧུའེ་ཚའེ་ཡིས་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གཞི་རིམ་ཏང་འཛུགས་སྐྱོང་ལས་དོན་ལ་ཚད་མཐོའི་མཐོང་ཆེན་གནང་ནས་སྡེ་ཁུལ་དང་། གྲོང་ཚོ། མི་སེར་བཅས་སུ་འཚམས་འདྲི་གནང་བ་དང་ཡུལ་དུས་མི་འདྲ་བར་གཞི་རིམ་ཏང་འཛུགས་སྐྱོང་དང་གཞི་རིམ་བཅོས་སྐྱོང་ཐད་མཛུབ་སྟོན་གལ་ཆེན་རབ་དང་རིམ་པ་གནང་ནས་མཆན་བཀོད་མཛུབ་སྟོན་གལ་ཆེན་གནང་བ་དེས་དུས་བབ་གསར་པའི་འོག་གཞི་རིམ་ཏང་འཛུགས་སྐྱོང་ལས་དོན་ལ་ཤུགས་སྣོན་རྒྱག་ཆེད་རྩ་བའི་གཞི་འཛིན་ས་མཁོ་འདོན་དང་མདུན་སྐྱོད་ཀྱི་ཁ་ཕྱོགས་གསལ་སྟོན་གནང་ཡོད། ཧྲུའུ་ཅི་ཝང་ཅུན་ཀྲེང་གིས་ཚོགས་གཙོ་གནང་བའི་ལྗོངས་ཏང་ཨུད་ཀྱིས་ཐོག་མཐའ་བར་གསུམ་དུ་གཞི་རིམ་དམ་འཛིན་དང་། རྨང་གཞི་བརྟན་གཏོང་། རྨང་གཞི་བརྟན་གཏོང་བཅས་ལ་མཐོང་ཆེན་པོ་གནང་ཞིང་སྔ་རྗེས་སུ་ཞིབ་ཕྲའི་བཀོད་སྒྲིག་ཐེངས་མང་བྱས་ཏེ་ང་ཚོས་གཞི་རིམ་གྱི་ཏང་འཛུགས་སྐྱོང་ལས་དོན་ལ་དམ་འཛིན་ཡག་པོ་བྱ་ཆེད་མཛུབ་ཁྲིད་ནུས་ལྡན་གནང་ཡོད་ཞེས་བསྟན།
གྲོང་ཁྱེར་ཡོངས་ཀྱི་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པས་ཏང་འཛུགས་སྐྱོང་དང་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་དང་དུས་རབས་གསར་པའི་ཏང་གི་བོད་སྐྱོང་ཇུས་ཆེན་ལག་བསྟར་དོན་འཁྱོལ་གཏིང་ཟབ་བྱེད་པ་དང་། རང་སྐྱོང་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་དང་ཧྲུའུ་ཅི་ཝང་ཅུན་ཀྲེང་གི་གསུང་བཤད་དང་མཛུབ་སྟོན་གྱི་བླང་བྱ་རབ་དང་རིམ་པ་ལག་བསྟར་དོན་འཁྱོལ་བྱས་ཏེ་དཔེ་བསྡུར་མིག་ལྟོས་ཀྱི་ཆབ་སྲིད་རང་རྟོགས་ལ་བརྟེན་ནས་དུས་རབས་གསར་པའི་གཞི་རིམ་ཏང་འཛུགས་སྐྱོང་ལས་དོན་གཏིང་ཟབ་དང་ཏན་ཏིག་ཡོང་རྒྱུར་རྒྱུན་ཆད་མེད་པར་སྐུལ་འདེད་གཏོང་དགོས།
འདས་ཟིན་པའི་ལོ་གཅིག་ནང་གྲོང་ཁྱེར་ཡོངས་ཀྱི་གཞི་རིམ་ཏང་འཛུགས་སྐྱོང་གི་ལས་དོན་ལ་ཁྱོན་ཡོངས་ནས་ཕྱོགས་བསྡོམས་དང་ལས་ཀའི་ཁྲོད་དུ་གནས་པའི་གནད་དོན་དང་མི་འདང་བའི་ཆ་ལ་ཕྱི་རོལ་ཡུལ་དང་མཐུན་པའི་སྒོ་ནས་དབྱེ་ཞིབ་བྱས་རྗེས། ཀུང་ཧུའེ་ཚའེ་ཡིས་ད་ལོ་ནི་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ལག་ལེན་མཐར་ཕྱིན་བསྟར་འགོ་ཚུགས་པའི་ལོ་དང་། “ལོ་ལྔ་ཚན་བཅུ་བཞི་པའི་”འཆར་འགོད་གོང་མཐུད་འོག་འདྲེན་གྱི་འགག་རྩའི་ལོ་ཡིན་ལ། “ཁུལ་གསུམ་མཐོ་གཅིག་”གི་འཆར་འགོད་ཁྱོན་ཡོངས་ནས་དོན་འཁྱོལ་བྱེད་པར་སྐུལ་འདེད་གཏོང་བའི་འགོ་རྩོམ་པའི་ལོ་ཞིག་ཀྱང་ཡིན། ཏང་གི་ཆབ་སྲིད་འཛུགས་སྐྱོང་དེ་སྤྱི་འདོམས་སུ་བྱེད་པ་དང་དར་ཆ་གསལ་སྟོན་གྱིས་ཆབ་སྲིད་ལ་སྣང་ཆེན་བྱས་ཏེ་གཞི་རིམ་ཏང་རྩ་འཛུགས་ཀྱི་ཆབ་སྲིད་ནུས་པ་ཆེ་རུ་ཏན་ཏིག་གཏོང་དགོས། གཞི་རིམ་རྩ་འཛུགས་ཀྱི་མ་ལག་སྟོབས་ཆེར་གཏོང་བ་དང་གཞི་རིམ་ལ་དམ་འཛིན་ཤུགས་ཆེན་བྱ་རྒྱུ་མཐའ་འཁྱོངས་ཀྱིས་ཏང་གིས་ཆབ་མདོར་སྲིད་འཛིན་བྱེད་པའི་རྨང་གཞི་རྒྱུན་ཆད་མེད་པར་བརྟན་དུ་གཏོང་དགོས། ལྟེ་བའི་ཁྱོན་ཡོངས་ལ་དམིགས་པ་དང་། ཏང་འཛུགས་སྐྱོང་གི་སྣེ་ཁྲིད་མཐའ་འཁྱོངས་བྱས་ཏེ་ཏང་ཡོན་སྒྲིག་འཛུགས་དང་། ཤེས་ལྡན་པ་གཅིག་སྒྲིལ། མང་ཚོགས་སྐུལ་སློང་བཅས་བྱས་ཏེ་རྩ་འཛུགས་ཀྱི་ལེགས་ཆ་དེ་བྱ་གཞག་འཕེལ་རྒྱས་ལ་སྐུལ་འདེད་གཏོང་བའི་ཕན་འབྲས་དངོས་ལ་འགྱུར་བ་བྱེད་དགོས། སྤྱོད་ཚུལ་ཡོ་བསྲང་དང་སྒྲིག་ཁྲིམས་ནན་དུ་བཏང་སྟེ་ཐོག་མཐའ་བར་གསུམ་དུ“ནམ་ཡང་ཚར་དུས་མེད་པ་གཉིས”བློ་ལ་བརྟན་པོར་ངེས་ནས་བྱ་ངན་སྤྱོད་ངན་བཅོས་སྒྲིག་དང་སྲོལ་གསར་སྤྱོད་བཟང་དར་སྤེལ་བཏང་སྟེ་སྤྱོད་གཙང་གཞུང་དྲང་གི་ཆབ་སྲིད་ཀྱི་ཁོར་ཡུག་གཏོད་དགོས། འགན་འཁྲིའི་ལམ་ལུགས་ཀྱི“འགག་རྩ”དམ་འཛིན་བྱས་ནས་ཏང་ལ་དོ་དམ་དང་ཏང་བཅོས་སྐྱོང་གི་འགན་འཁྲི་ཡག་པོ་འཁུར་བ་དང་གཞི་རིམ་ཏང་འཛུགས་སྐྱོང་ལ་དམ་འཛིན་ཡག་པོ་བྱེད་པའི་བསམ་བློའི་རང་རྟོགས་དང་། ཆབ་སྲིད་ཀྱི་རང་འགུལ་དང་བྱ་སྤྱོད་ཀྱི་རང་རྟོགས་ཟམ་མི་ཆད་པར་ཆེ་རུ་གཏོང་དགོས་ཞེས་ནན་བཤད་གནང་ཡོད། ཚོགས་འདུའི་ཐོག་བརྙན་འཕྲིན་ཁ་པར་ཚོགས་འདུའི་རྣམ་པའི་ཐོག་ནས་འཚོགས་ཤིང་། ཆབ་མདོར་ཡོད་པའི་གྲོང་ཨུད་ཀྱི་རྒྱུན་ཨུ་དང་། གྲོང་ཨུད་ཏང་འཛུགས་སྐྱོང་ལས་དོན་འགོ་ཁྲིད་ཚོགས་ཆུང་གི་ཁོངས་མི། གྲོང་ཨུད་རྩ་འཛུགས་པུའི་པུའི་ལས་དོན་ཚོགས་འདུའི་ཁོངས་མི། གྲོང་ཁྱེར་ཐད་གཏོགས་འབྲེལ་ཡོད་ལས་རིགས་ཁོངས་གཏོགས་ཀྱི་ཏང་ལས་ཨུད་ཧྲུའུ་ཅི། “འཐུས་མི་གཉིས་དང་ཨུ་ཡོན་གཅིག”ཚོགས་འདུར་ཞུགས་པ་རེད།